Як паведамляе ГУУС Мінгарвыканкама, супрацоўнікам міліцыі стала вядома, што на вуліцы Сацыялістычнай знаходзіцца закладка з асабліва небяспечным псіхатропным рэчывам. Выбыўшы па ўказаным адрасе, аператыўнікі заспелі маладога чалавека, які капаў зямлю ва ўказаным месцы. Хлопец паспрабаваў уцячы, але яго затрымалі. Пры сабе ў маладога чалавека быў пакет, які ён паспрабаваў схаваць у падвале жылога дома. У пакеце знаходзілася прыблізна 250 г парашкападобнага рэчыва, які змяшчае ў сваім складзе псіхатроп. 

Паводле папярэдняй ацэнкі, кошт канфіскаванага ў цэнах чорнага рынку складае каля 25 тыс. долараў ЗША. 

Падазраваны, раней не судзімы і нідзе афіцыйна не працуючы, з`яўляецца грамадзянінам Расіі, жыве ў Беларусі з відам на жыхарства. Супрацоўнікам міліцыі ён сказаў, што канфіскаванае рэчыва прызначалася для рэалізацыі. 

У дачыненні да затрыманага распачата справа на падставе ч. 3 арт. 328 КК (незаконны абарот наркатычных сродкаў, псіхатропных рэчываў, іх прэкурсораў і аналагаў).

Вячаслаў Будкевіч, БелаПАН
Мінск, 30 ліпеня 2015