У межах сумеснага праекта ЕС/ПРААН "АМБЕЛ" адбыўся чатырохдзённы адукацыйны візіт беларускіх памежнікаў, прадстаўнікоў партнёраў праекта і грамадскіх арганізацый у Мадрыд.

Асноўнай мэтай мерапрыемства было вывучэнне еўрапейскага вопыту ў пытаннях выяўлення ўразлівых груп мігрантаў, аказання дапамогі, прадухілення і рэагавання на выпадкі гандлю людзьмі, сексуальнага і гендарнага насілля. Асаблівы акцэнт рабіўся на вывучэнне пытанняў супрацоўніцтва дзяржаўных і грамадскіх арганізацый.

Удзельнікі мерапрыемства наведалі ў Мардыдзе ўстановы УВКБ ААН, МАМ, Міністэрства занятасці і сацыяльнага страхавання, Цэнтр прыняцця бежанцаў, Чырвоны Крыж, Урадавую дэлегацыю па барацьбе з гендарным насіллем, дэпартамент паліцыі па барацьбе з нелегальнымі мігрантамі і падробленымі дакументамі.

Вячаслаў Будкевіч, БелаПАН
Мінск, 4 чэрвеня 2015