Следства правярае ўсе версіі забойства мужчыны, знойдзенага 18 лютага на вуліцы Карла Лібкнехта ў Мінску ў багажніку аўтамабіля прадстаўнічага класа з колата-рэзанымі ранамі.

Правяраецца прыналежнасць забітага да злачынных супольнасцяў. 

Праца па ўстанаўленні акалічнасцяў забойства і ідэнтыфікацыі асобы загінулага працягваецца. Прызначана судова-медыцынская, генатыпаскапічная і шэраг іншых экспертыз. 

Праведзены шэраг аглядаў, у тым ліку аўтамабіля і меркаванага месца пражывання забітага. Следчыя працуюць са сведкамі па крымінальнай справе. 

У межах кожнай з версій, што адпрацоўваюцца следствам, плануецца правядзенне апазнання трупа. 

З мэтай атрымання інфармацыі праваахоўныя органы Беларусі кантактуюць з праваахоўнымі органамі іншых дзяржаў. Следствам рыхтуюцца адпаведныя просьбы аб аказанні прававой дапамогі. 

Расследаванне даручана следчай групе галоўнага следчага ўпраўлення. 

Нагадаем, справа расследуецца на падставе ч. 1 арт. 139 КК (забойства). Аднак, як не выключыў 20 лютага на прэс-канферэнцыі генеральны пракурор Беларусі Аляксандр Канюк, яно можа быць перакваліфікаванае на ч. 2 арт. 139 КК. 

У СМІ паведамлялася, што забіты, магчыма, крымінальны аўтарытэт з Кыргызстана.

Вячаслаў Будкевіч, БелаПАН
Мінск, 20 лютага 2015