"Пры распрацоўцы праекта закона на 2024 год было прынята ўзгодненае рашэнне фармаваць бюджэт на аснове сцэнарыя прагнозных параметраў развіцця эканомікі. Сацыяльная накіраванасць - прыярытэт бюджэту будучага года. Запланавана павелічэнне расходаў кансалідаванага бюджэту на адукацыю - на 13,8 працэнта (усяго Br11,8 млрд), ахову здароўя - на 11,6 працэнта (Br11,6 млрд), заработную плату. Фонд аплаты працы павялічыцца на 12,4 працэнта і складзе Br26,2 млрд", - расказаў Раман Галоўчанка.

Пры гэтым будзе забяспечана своечасовае выкананне ўсіх абавязацельстваў па пагашэнні дзяржаўнага доўгу, бюджэтная падтрымка экспарцёраў будзе павялічана на 20 працэнтаў, адзначыў прэм`ер-міністр.

"Увесь пакет прагнозных дакументаў сфармаваны ў адпаведнасці з патрабаваннямі кіраўніка дзяржавы і нацэльвае і ўрад, і ўсю вертыкаль улады на напружаную работу па збалансаваным развіцці краіны", - дапоўніў Раман Галоўчанка.

23 кастрычніка 2023, Мінск
БЕЛТА