"На працягу пяці гадоў арыенціровачна ў гэту праграму будзе ўкладзена $700-800 млн. І праграма будзе паспяховай, калі прырост нараджэння трэціх дзяцей у сем`ях з кожным годам будзе не меншым за 5 працэнтаў. Тады можна будзе зрабіць вывад, што праграма працуе, што дзякуючы гэтым сродкам большая колькасць сем`яў задумалася над тым, каб нарадзіць трэцяе дзіця і зрабіць сваю сям`ю больш поўнай і шчаслівай", - адзначыў старшыня праўлення банка.

"Банк развіцця Рэспублікі Беларусь" плануе фінансаваць праграму "Вялікая сям`я" за кошт уласных сродкаў. А пакуль дзеці будуць расці, іх грошы на дэпазітным рахунку будуць працаваць на рэальную эканоміку краіны. "Мы будзем самастойна адбіраць праекты, якія будуць забяспечваць добрую аддачу і вялікую эфектыўнасць. Прычым у банку будзе створаны механізм, які зможа інфармаваць грамадскасць, дзе працуюць сродкі "Вялікай сям`і", і мы штогод будзем размяшчаць на сайце пералік праектаў, якія прафінансаваны гэтымі грашамі", - падкрэсліў Сяргей Румас.

25 жніўня 2014, Мінск
БЕЛТА

Ссылка на текущий документ: http://belarus.kz/aktueller/2/794/27289

Текущая дата: 16.11.2024