Пра гэта паведамілі ў прэс-службе Беларускай чыгункі.
Асіповіцкі завод жалезабетонных канструкцый ААТ "Дарбудмантажтрэст" у верасні гэтага года плануе ўвесці ў эксплуатацыю новую лінію па вытворчасці жалезабетонных шпал з рознымі відамі рэйкавых умацаванняў,
Падчас рэалізацыі праекта быў выкананы капітальны рамонт аднаго з цэхаў з заменай інжынерных сетак, выраблены дадатковыя металаканструкцыі і падмуркі пад абсталяванне.
Магутнасць новай лініі разлічана на выраб да 400 тыс. жалезабетонных шпал штогод. "Важнейшымі перавагамі ўстаноўленага сучаснага абсталявання з`яўляецца яго энергаэфектыўнасць і высокая якасць вырабаў. Лінія практычна поўнасцю аўтаматызаваная — асноўнымі вытворчымі працэсамі кіруе камп`ютар і комплекс спецыяльнага праграмнага забеспячэння", — адзначыла прэс-служба.
Галоўным чынам на заводзе плануецца вырабляць запатрабаваныя жалезабетонныя шпалы са змацаваннем СБ. У перспектыве — выпуск шпал са змацаваннямі ARC, Pandrol, Vossloh, што выкарыстоўваюцца пры рамонце і будаўніцтве чыгуначнага палатна ў Расіі і краінах Еўрасаюза.
У першую чаргу прадпрыемства плануе задаволіць попыт айчынных спажыўцоў. Галоўным з іх з`яўляецца Беларуская чыгунка — больш за 50% прадукцыі завода выкарыстоўваецца для рамонту і будаўніцтва аб`ектаў магістралі.
Асіповіцкі завод жалезабетонных канструкцый з`яўляецца філіялам ААТ "Дарбудмантажтрэст" і спецыялізуецца на вытворчасці жалезабетонных канструкцый для будаўніцтва аб`ектаў вытворчага прызначэння, мастоў, жылля; металаканструкцый і арматурных вырабаў; канструкцый паўсухога прасавання для добраўпарадкавання. Акцыі ААТ "Дарбудмантажтрэст" знаходзяцца ва ўпраўленні Беларускай чыгункі.
Марына Носава, БелаПАН
Мінск, 19 жніўня 2014
Падчас рэалізацыі праекта быў выкананы капітальны рамонт аднаго з цэхаў з заменай інжынерных сетак, выраблены дадатковыя металаканструкцыі і падмуркі пад абсталяванне.
Магутнасць новай лініі разлічана на выраб да 400 тыс. жалезабетонных шпал штогод. "Важнейшымі перавагамі ўстаноўленага сучаснага абсталявання з`яўляецца яго энергаэфектыўнасць і высокая якасць вырабаў. Лінія практычна поўнасцю аўтаматызаваная — асноўнымі вытворчымі працэсамі кіруе камп`ютар і комплекс спецыяльнага праграмнага забеспячэння", — адзначыла прэс-служба.
Галоўным чынам на заводзе плануецца вырабляць запатрабаваныя жалезабетонныя шпалы са змацаваннем СБ. У перспектыве — выпуск шпал са змацаваннямі ARC, Pandrol, Vossloh, што выкарыстоўваюцца пры рамонце і будаўніцтве чыгуначнага палатна ў Расіі і краінах Еўрасаюза.
У першую чаргу прадпрыемства плануе задаволіць попыт айчынных спажыўцоў. Галоўным з іх з`яўляецца Беларуская чыгунка — больш за 50% прадукцыі завода выкарыстоўваецца для рамонту і будаўніцтва аб`ектаў магістралі.
Асіповіцкі завод жалезабетонных канструкцый з`яўляецца філіялам ААТ "Дарбудмантажтрэст" і спецыялізуецца на вытворчасці жалезабетонных канструкцый для будаўніцтва аб`ектаў вытворчага прызначэння, мастоў, жылля; металаканструкцый і арматурных вырабаў; канструкцый паўсухога прасавання для добраўпарадкавання. Акцыі ААТ "Дарбудмантажтрэст" знаходзяцца ва ўпраўленні Беларускай чыгункі.
Марына Носава, БелаПАН
Мінск, 19 жніўня 2014
Ссылка на текущий документ: http://belarus.kz/aktueller/2/795/27216
Текущая дата: 16.11.2024