У Нацыянальным мастацкім музеі Беларусі 21 чэрвеня адкрылася выстаўка "Космас" народнага мастака Беларусі Івана Міско.
"Гэту выстаўку я даволі доўга рыхтаваў, не ўсе работы паспеў завяршыць да адкрыцця, але тут прадстаўлены найбольш значныя для мяне скульптуры", - расказаў Іван Міско.
На выстаўцы прадстаўлена больш за 40 работ касмічнай тэматыкі - скульптуры, графіка, фотаматэрыялы.
Цяпер скульптар працуе над стварэннем бюста Алега Навіцкага - трэцяга беларуса, які пабываў у космасе ў складзе міжнароднага экіпажа МКС. "Мне лёгка працаваць з Алегам, мы размаўляем, і час ляціць хутка, - падзяліўся Іван Міско. - Алег падарыў мне ў гонар адкрыцця выстаўкі фатаграфію Мінска, зробленую ў той час, пакуль касмічная станцыя пралятала над Беларуссю".
Іван Міско з`яўляецца аўтарам помнікаў-бюстаў Пятра Клімука, Уладзіміра Кавалёнка, таксама яго аўтарству належаць мемарыяльныя дошкі ў гонар генеральнага канструктара касмічных караблёў Сяргея Каралёва і першага касманаўта Юрыя Гагарына.
Акрамя беларусаў і рускіх Івану Міско пазіравалі касманаўты Польшчы, Кубы, Румыніі, Манголіі, Францыі, Германіі, Балгарыі, Сірыі, Вялікабрытаніі, В`етнама, Аўстрыі, Японіі, Афганістана, Індыі. Творчасць беларускага скульптара Івана Міско добра вядома далёка за межамі Беларусі.
Работа выстаўкі прадоўжыцца да 29 ліпеня.
21 чэрвеня 2013, Мінск
БЕЛТА
На выстаўцы прадстаўлена больш за 40 работ касмічнай тэматыкі - скульптуры, графіка, фотаматэрыялы.
Цяпер скульптар працуе над стварэннем бюста Алега Навіцкага - трэцяга беларуса, які пабываў у космасе ў складзе міжнароднага экіпажа МКС. "Мне лёгка працаваць з Алегам, мы размаўляем, і час ляціць хутка, - падзяліўся Іван Міско. - Алег падарыў мне ў гонар адкрыцця выстаўкі фатаграфію Мінска, зробленую ў той час, пакуль касмічная станцыя пралятала над Беларуссю".
Іван Міско з`яўляецца аўтарам помнікаў-бюстаў Пятра Клімука, Уладзіміра Кавалёнка, таксама яго аўтарству належаць мемарыяльныя дошкі ў гонар генеральнага канструктара касмічных караблёў Сяргея Каралёва і першага касманаўта Юрыя Гагарына.
Акрамя беларусаў і рускіх Івану Міско пазіравалі касманаўты Польшчы, Кубы, Румыніі, Манголіі, Францыі, Германіі, Балгарыі, Сірыі, Вялікабрытаніі, В`етнама, Аўстрыі, Японіі, Афганістана, Індыі. Творчасць беларускага скульптара Івана Міско добра вядома далёка за межамі Беларусі.
Работа выстаўкі прадоўжыцца да 29 ліпеня.
21 чэрвеня 2013, Мінск
БЕЛТА
Ссылка на текущий документ: http://belarus.kz/aktueller/2/811/21777
Текущая дата: 20.05.2024