Падчас абвешчанай 21 студзеня праверкі баявой гатоўнасці Узброеных сіл Беларусі зенітная ракетная батарэя "Тор-М2" 120-й зенітнай ракетнай брыгады ВПС і войскаў СПА ажыццявіла марш на палігон і заступіла на баявое дзяжурства па проціпаветранай абароне, адпрацаваны пытанні супрацьдыверсійных дзеянняў і авіяцыйнага прыкрыцця.

Падраздзяленне малавышыннай радыёлакацыйнай станцыі "Раса-РБ" выйшла маршам ва ўказаны раён і выконвае мерапрыемствы па разгортванні і падрыхтоўцы да выканання задач па прызначэнні, выхадзе на баявое дзяжурства.

Для забеспячэння палётаў авіяцыі, дзеянняў зенітных ракетных падраздзяленняў на палігон выведзены шэраг падраздзяленняў, у тым ліку беспілотных авіяцыйных комплексаў 927-га цэнтра падрыхтоўкі і прымянення БАК ВПС і войскаў СПА.

У мэтах стварэння складанага аператыўнага становішча падчас праверкі задзейнічаны падраздзяленні сіл спецыяльных аперацый Узброеных сіл, якія адпрацуюць як разведвальныя і спецыяльныя задачы, так і пытанні контрдыверсійных дзеянняў.

Для праверкі тэрытарыяльных войскаў у раёнах, вызначаных для праверкі, праводзяцца мерапрыемствы па кіраванні за прызывам і пастаўкай мабілізацыйных рэсурсаў.

Дзеянні Узброеных сіл ацэньваюцца прадстаўнікамі Дзяржаўнага сакратарыята Савета бяспекі.

Вячаслаў Будкевіч, БелаПАН
Мінск, 22 студзеня 2014

Ссылка на текущий документ: http://belarus.kz/aktueller/2/820/24743

Текущая дата: 16.11.2024