Аб гэтым паведаміў кіраўнік прадстаўніцтва кампаніі Microsoft у Беларусі Міхаіл Маханёк.

Паводле яго слоў, пакуль Windows 8 не мае інтэрфейсу, які дае магчымасць працаваць з выкарыстаннем беларускай мовы. Між тым платформа прадстаўлена на рускай, англійскай, французскай, іспанскай і некаторых іншых мовах.

Продажы аперацыйнай сістэмы Windows 8 стартавалі сёння адначасова ў большасці краін свету. Новая аперацыйная сістэма будзе адрознівацца ад папярэдніц арыентацыяй на работу з сэнсарнымі экранамі. Карыстальнікам стане прасцей уводзіць даныя тактыльным спосабам.

Карпарацыя Microsoft зрабіла платформу больш мабільнай. Так, Windows 8 будзе адначасова ўстанаўлівацца на персанальныя і партатыўныя камп`ютары, планшэты і смартфоны. Хоць звычайна для мабільных устройстваў выкарыстоўваюцца асобныя аперацыйныя сістэмы. У АС прадстаўлена апошняя 10-я версія браўзера Internet Explorer, таксама арыентаваная на сэнсарныя ўстройствы.

З моманту выпуску мінулай АС - Windows 7 - мінула амаль тры гады. Усяго ў свеце больш за 1,3 млрд. чалавек карыстаюцца аперацыйнымі сістэмамі кампаніі Microsoft.

26 кастрычніка 2012, Мінск
БЕЛТА

Ссылка на текущий документ: http://belarus.kz/aktueller/2/899/17150

Текущая дата: 16.11.2024