Масква пашырыла санкцыі ў адказ у дачыненні да Бруселя, пра гэта паведамілі ў міністэрстве замежных спраў Расіі.

Удакладняецца, што гэта было зроблена ў якасці адказу на чарговыя абмежавальныя меры, уведзеныя супраць расійскіх фізічных і юрыдычных асоб.

У новы "чорны спісак" неўязных у Расію зараз уключана вышэйшае ваеннае кіраўніцтва ЕС, высокапастаўленыя супрацоўнікі сілавых ведамстваў краін-членаў Еўрасаюза, прадстаўнікі еўрапейскіх камерцыйных арганізацый у сферы вытворчасці ўзбраенняў і ваеннай тэхнікі, якія былі задзейнічаныя ў пастаўках прадукцыі ваеннага прызначэння ва Украіну.

"Хочам нагадаць ініцыятарам антырасійскіх мер, што любыя недружалюбныя акцыі ў адрас Расіі будуць і надалей сустракаць жорсткі адказ з нашага боку", - гаворыцца ў паведамленні.

З лютага на аказанне дапамогі ўкраінскай арміі – у тым ліку пастаўкі ўзбраенняў – са спецыяльнага фонду Еўрасаюз выдзеліў не менш як 2,5 млрд еўра.

Як заяўлялі ў Маскве, пастаўкі зброі Кіеву краінамі Захаду толькі зацягваюць канфлікт. Акрамя таго, у МЗС РФ указвалі на тое, што гэтае ўзбраенне можа апынуцца ў руках экстрэмістаў і тэрарыстаў.

Міністр замежных спраў РФ Сяргей Лаўроў таксама заяўляў, што любыя грузы, якія ўтрымліваюць узбраенне для ўкраінскага войска, стануць законным цэльнікам для расійскай арміі.

Раней Масква накіравала ўсім краінам, у тым ліку ЗША, ноту з-за паставак узбраенняў Украіне. У знешнепалітычным ведамстве Расіі заяўлялі, што краіны НАТА "гуляюць з агнём", пастаўляючы Кіеву зброю.

Раней вярхоўны прадстаўнік Еўрасаюза па замежных справах і палітыцы бяспекі Жазэп Барэль таксама паведамляў, што некаторыя еўрапейскія краіны праводзяць падрыхтоўку ўкраінскіх вайскоўцаў, у тым ліку – для эксплуатацыі тэхнікі, якая пастаўляецца ва Украіну.

Па яго словах, падрыхтоўка праводзіцца ў Польшчы, Чэхіі, Вялікабрытаніі і Францыі. У прыватнасці, брытанскія ўлады прапаноўвалі арганізаваць маштабную трэніровачную аперацыю для Кіева, якая б дазваляла рыхтаваць да дзесяці тысяч салдат кожныя чатыры месяцы.

Мінск, 7 верасня 2022
Sputnik