Украінскія баевікі расстралялі сваіх калег падчас таго, як яны з белымі сцягамі выйшлі да расійскіх вайскоўцаў, паведамілі ў прэс-службе Міністэрства абароны РФ.

Інцыдэнт адбыўся ў раёне сяла Новаміхайлаўка ў ДНР. Больш за 30 вайскоўцаў 25-га батальёна 54-й механізаванай брыгады УСУ вырашылі скласці зброю "пасля агнявой падрыхтоўкі наступлення расійскіх войск".

Украінскія вайскоўцы звярнуліся да расійскага камандавання па радыёсувязі, папрасіўшы спыніць агонь і арганізаваць калідор для здачы ў палон, канстатаваў афіцыйны прадстаўнік міністэрства абароны Расіі Ігар Канашэнкаў падчас брыфінгу ў аўторак.

Ваеннаслужачыя УСУ з белымі флагамі пачалі рухацца ў бок расійскіх пазіцый, у гэты час да апорнага пункта на бронеаўтамабілях пад’ехалі іншыя ўкраінскія ваенныя.

Нацыяналісты адкрылі па калегах крыжаваны агонь у спіну.

"У выніку гэтага расстрэлу атрымалі смяротныя раненні і загінулі 32 украінскія вайскоўцы", - паведаміў Канашэнкаў.

Падчас аўторкавага брыфінгу генерал-лейтэнант таксама расказаў, што з пачатку правядзення спецаперацыі (з 24 лютага) ужо знішчана:

202 самалёты,

131 верталёт,

338 ЗРК,

521 РСЗА,

1 205 беспілотнікаў,

1 947 гармат палявой артылерыі і мінамётаў,

3 548 танкаў і іншых бронемашын,

3 605 адзінак спецыяльнай ваеннай аўтатэхнікі.

Аб пачатку спецаперацыі ў Данбасе заявіў прэзідэнт Расіі Уладзімір Пуцін 24 лютага – праз некалькі дзён пасля прызнання незалежнасці Данецкай і Луганскай народных рэспублік.

Раней у Мінабароны РФ адзначылі, што па стане на 25 сакавіка ўзброеныя сілы выканалі асноўныя задачы першага этапу – істотна знізілі баявы патэнцыял Украіны.

Галоўнай жа мэтай у расійскім вайсковым ведамстве назвалі вызваленне Данбаса. Апроч шматлікіх гарадоў ДНР і ЛНР, вайскоўцы вызвалілі Херсонскую вобласць і прыазоўскую частку Запарожскай вобласці.

Мінск, 14 чэрвеня 2022
Sputnik