Кіраўнік Міністэрства аховы здароўя Германіі падкрэсліў, што нават на пачатковых стадыях эпідэміі павінны прымацца строгія меры.

Улады ФРГ сумесна з Інстытутам Роберта Коха распрацавалі рэкамендацыі, згодна з якімі захварэлыя павінны будуць знаходзіцца на самаізаляцыі 21 дзень.

Улады Бельгіі 20 мая таксама ўвялі ў краіне 21-дзённы каранцін для захварэлых на воспу малпаў. Краіна стала першай у свеце, якая прымяніла такія меры.

Паводле даных Сусветнай арганізацыі аховы здароўя, з 7 мая ў свеце быў выяўлены 131 пацверджаны выпадак заражэння людзей воспай малпаў і 106 мяркуемых выпадкаў захворвання ў 19 краінах свету.

Звязда, 24 траўня 2022