Узброеныя сілы Расіі прымянілі ў баявых дзеяннях на Украіне ўзвод баявых машын падтрымкі танкаў (БМПТ) "Терминатор".

"Сумесна з танкавымі ўзводамі БМПТ удзельнічаюць у агнявым паражэнні ўкраінскіх пазіцый, бранетэхнікі, разлікаў супрацьтанкавых ракетных комплексаў", - распавёў суразмоўца агенцтва.

Паводле яго слоў, удзел гэтых машын у спецаперацыі дасць магчымасць канчаткова вызначыцца з тактыкай іх прымянення і іх месцам у бранятанкавых групах. Суразмоўца агенцтва таксама адзначыў, што з вопыту баявых дзеянняў на Украіне бачна, што такія машыны неабходны ў танкавых падраздзяленнях, каб павысіць іх баявую ўстойлівасць.

БПМТ ужо раней былі скарыстаны ў баявых дзеяннях падчас антытэрарыстычнай аперацыі групоўкі войск РФ у Сірыі.

"Терминаторы" былі прыняты ў Расіі на ўзбраенне ў 2018 годзе. Комплекс узбраенняў БМПТ складаецца з двух 30-міліметровых гармат 2А42, чатырох пускавых установак кіраваных ракет 9М120-1 тыпу "Атака" з лазернай сістэмай навядзення, двух гранатамётаў АГС-17 і 7,62-міліметровага мадэрнізаванага танкавага кулямёта Калашнікава.

Дакладная колькасць наяўных у арміі РФ БМПТ невядома. Па дадзеных адкрытых крыніц, усяго расійскай арміі было перададзена 10 такіх машын.

Мінск, 18 мая 2022
Sputnik