"Гэта ўсё фэйкі. Гэта ўсім зразумела. Чаму яны нарадзіліся менавіта цяпер? Таму што напярэдадні прэзідэнцкай кампаніі, з аднаго боку. Чым бліжэй 2025 год і выбары, тым больш хлусні будзе на нашу краіну з боку ворагаў. Другая прычына - гэта прадаўжэнне спробы эскалацыі ў рэгіёне і ўцягвання Беларусі ў канфлікт. Таму ў адносінах да нашай краіны трэба прыдумаць розную хлусню", - сказаў Алег Гайдукевіч.

Чаму Чарнобыльская АЭС? Для гэтага ёсць дзве прычыны, лічыць дэпутат. "Першая - мы цяпер бачым пагрозу ядзерным аб`ектам па ўсім свеце, і гэта тэма актуальная, таму спрабуюць фэйкі пра Беларусь расказаць. Другая прычына - заходні абывацель (а гэта ў першую чаргу для яго зроблена): ён жа мала чаго ведае, а пра Чарнобыльскую АЭС чуў, у нейкіх фільмах нізкасортных галівудскіх. Таму, каб напалохаць больш, пра гэта сталі гаварыць", - падкрэсліў ён.  

"Гэта фэйкі. І такіх фэйкаў будзе ўсё больш і больш да выбараў. З улікам таго, што мы навучыліся ўжо рабіць добры інфармацыйны прадукт, мы хутка развейваем гэтыя фэйкі і расказваем усяму свету праўду. А кропкай стаў візіт генеральнага дырэктара МАГАТЭ, які паказаў, што разумее, што Беларусь - гэта суверэнная дзяржава, і бяспека рэгіёна залежыць ад нас. З намі не проста размаўляюць, а бяруць прыклад як з краіны, якая не толькі бяспечныя ядзерныя аб`екты будуе, але і паспяхова пераадолела аварыю на Чарнобыльскай АЭС. Мы адрадзілі гэтыя землі, і Прэзідэнт для гэтага зрабіў вельмі шмат, - дапоўніў Алег Гайдукевіч. - Як краіна, якая пацярпела ад атамнай радыяцыі, мы больш чым адказна ставімся да гэтых пытанняў і з`яўляемся прыкладам таго, як трэба бяспечна развіваць ядзерную энергетыку, за якой будучыня".

3 кастрычніка 2024, Мінск
БЕЛТА