Прадстаўнікі Беларусі і Бельгіі правялі афіцыйную сустрэчу ў Бруселі. Сярод іншага, яны абмеркавалі бяспеку беларускага дыппрадстаўніцтва, якое знаходзіцца ў бельгійскай сталіцы, паведамляе пасольства.

Нагадаем, у жніўні невядомыя падпалілі адзін з уваходаў у беларускае пасольства, ратавальнікі, якія прыбылі на месца, агонь патушылі аператыўна. Паводле слоў афіцыйнага прадстаўніка МЗС Беларусі Анатоля Глаза, мела месца прамая пагроза жыццю і здароўю супрацоўнікаў, якія знаходзіліся ў памяшканні.

Акрамя гэтага, дыпламатычнай місіі быў нанесены матэрыяльны ўрон. Беларускі бок запатрабаваў ад бельгійскіх улад заняцца расследаваннем хуліганства.

Раней, у снежні 2020-га, трое невядомых распылілі чорную нязмыўную фарбу па фасадзе беларускай дыпмісіі. Супрацоўнікі пасольства адмылі будынак праз суткі.

Таксама на сустрэчы часовы павераны ў справах Беларусі абмеркавала з намеснікам кіраўніка дырэктарата пратакола Федэральнай дзяржаўнай службы замежных спраў, знешняга гандлю і супрацоўніцтва ў мэтах развіцця Бельгіі і іншыя пратакольныя пытанні – эканоміку і тавараабарот. Па выніках мінулага года пастаўкі беларускіх прадуктаў харчавання ў Еўрапейскі саюз выраслі на 43%.

Мінск, 15 лютага 2022
Sputnik