Кампанія праходзіць пад агульным лозунгам «Процівамікробныя прэпараты патрабуюць асцярожнага звароту», пры гэтым падкрэсліваецца, што супрацьмікробныя прэпараты з’яўляюцца каштоўным рэсурсам і павінны выкарыстоўвацца рацыянальна.

Пандэмія COVID-19 прыметна змяніла парадак выкарыстання антыбіётыкаў у многіх краінах Еўрапейскага рэгіёну СААЗ. У шэрагу краін на фоне ўвядзення каранціну, мер фізічнага дыстанцыявання і паляпшэння гігіены рук выкарыстанне антыбіётыкаў скарацілася. На жаль, у некаторых іншых сітуацыях быў адзначаны трывожны рост прыёму антыбіётыкаў, паколькі людзі памылкова мяркуюць, што яны дапамогуць вылечыць або абараніць ад COVID-19, і купляюць іх без належнай кансультацыі ці рэцэпту.

Як і ў папярэднія гады, сёлета кампанія Сусветнага тыдня правільнага выкарыстання супрацьмікробных прэпаратаў, прысвечаная тэме «Распаўсюджванне інфармацыі, спыненне ўстойлівасці», ставіць перад сабой мэту павысіць дасведчанасць аб глабальнай устойлівасці да супрацьмікробных прэпаратаў. Эксперты заклікаюць шырокую грамадскасць, работнікаў аховы здароўя, асоб, якія вызначаюць палітыку, фермераў і спецыялістаў па ахове здароўя жывёл пераняць перадавы вопыт, каб пазбегнуць далейшага з’яўлення і распаўсюджвання інфекцый, устойлівых да лекавых прэпаратаў.

Звязда, 19 лістапада 2021