Кувейцкія ўлады папоўнілі спіс забароненых кніг раманам Фёдара Дастаеўскага "Браты Карамазавы".

Міністэрства інфармацыі Кувейта за апошнія пяць гадоў забараніла больш за чатыры тысячы кніг. У спісе забароненых - не толькі экстрэмісцкія выданні, але і сусветная класіка, у тым ліку "Сабор Парыжскай Божай Маці" Віктара Гюго і "Сто гадоў адзіноты" Габрыэля Гарсія Маркеса.

Як стала вядома ў ходзе правядзення Кувэйцкага кніжнага кірмашу, спіс "забаронкі" папоўніўся яшчэ амаль тысячай кніг. У лік забароненых раманаў трапілі і "Браты Карамазавы" рускага класіка Фёдара Дастаеўскага - цэнзары незадаволеныя метафізічным падтэкстам.

У адпаведнасці з заканадаўствам Кувейта, забарону на публікацыі ўжываюць у выпадку абразы ісламу або судовай сістэмы краіны, пагрозы нацбяспекі, закліку да беспарадкаў або амаральных дзеянняў.

Пры гэтым невядома, як павядуць сябе кувейцкія праваахоўнікі з турыстам, які па непамятлівасці можа везці з сабой томік Дастаеўскага: ці абмяжуецца ўсё адабраннем кнігі або пакаранне можа быць больш строгім.

Мінск, 15 лістапада 2018
Sputnik