У творчай спадчыне Максіма Багдановіча сярод шэрагу запамінальных твораў вылучаецца верш "Я хацеў бы спаткацца з Вамі на вуліцы…", адметны філасофскім гучаннем, надчасавым і наднацыянальным клопатам аўтара пра лёс чалавецтва.

Верш, напісаны падчас Першай сусветнай вайны, не страціў актуальнасці і сёння. 125-годдзе са дня нараджэння класіка літаратуры падштурхнула нас да ідэі правесці беспрэцэдэнтную міжнародную культурную акцыю – прэзентаваць выбітны чалавекалюбны твор М. Багдановіча на мовах народаў свету. А чытаць любімы верш будуць паэты, перакладчыкі, выкладчыкі, студэнты і самі носьбіты моў.

Разам з вядомым даследчыкам творчасці Максіма Багдановіча, літаратуразнаўцам Міколам Трусам, "Звязда" прадстаўляе праект “Максіма Багдановіча чытаюць на мовах народаў свету”. 

Да перастварэння твора М. Багдановіча на мовы іншых народаў, магчыма, прыахвоцяцца і сённяшнія дойліды мастоў дружбы. Запрашаем да супрацоўніцтва асобных аўтараў, творчыя згуртаванні, адукацыйныя і культурна-асветніцкія ўстановы. Далучайцеся да нас!

Творчая каманда "Звязды" дзякуе ДУ "Літаратурны музей Максіма Багдановіча" і бібліятэцы-філіялу №8 імя М. Багдановіча за дапамогу ў правядзенні здымак.

Пераклад на харвацкую мову

Пераклад на рускую мову

Пераклад на туркменскую мову

Пераклад на чачэнскую мову

Пераклад на китайскую мову

Пераклад на карацінскую мову

"Я хацеў бы спаткацца з Вамі на вуліцы..."

Аўтары: Ганна Багіно, Кацярына Асмыковіч
Звязда, 29 лістапада 2016