Урад Нідэрландаў павінен перагледзець сваё рашэнне адносна закона аб ратыфікацыі пагаднення аб асацыяцыі паміж ЕС і Украінай, заявіў Выбарчы савет краіны, абвяшчаючы афіцыйныя вынікі.

Адзначаецца, што яўка склала 32,28 працэнта, што перавышае бар`ер 30 працэнтаў, які павінен быць перасягнуты, каб рэферэндум быў прызнаны праведзеным. Закон аб кансультатыўных рэферэндумах быў прыняты ўрадам Нідэрландаў у 2015 годзе. Ён дае магчымасць грамадзянам ініцыіраваць рэферэндумы па законах, якія прыняты, але яшчэ не ўступілі ў сілу. Выключэнні датычацца толькі канстытуцыі, бюджэту і каралеўскай сям`і.

Першым галасаваннем, арганізаваным у адпаведнасці з гэтым законам, стаў рэферэндум па пытанні ратыфікацыі пагаднення аб асацыяцыі паміж ЕС і Украінай, які прайшоў 6 красавіка 2016 года.

Вынікі рэферэндуму маюць кансультатыўны характар, яны не маюць абавязковай сілы для ўрада. Прэзідэнт Украіны Пётр Парашэнка раней заяўляў, што, нягледзячы на вынікі рэферэндуму ў Нідэрландах, пагадненне аб асацыяцыі з Еўрапейскім саюзам прадаўжае дзейнічаць, а еўраінтэграцыйны курс дзяржавы застаецца нязменным.

12 красавіка 2016, Мінск
БЕЛТА