Узнагароджванне адбылося на палях пасяджэння Савета МПА СНД у Бішкеку.

Ордэн "Садружнасць" - найвышэйшая ўзнагарода Міжпарламенцкай асамблеі СНД, зацверджаная на пасяджэнні Савета МПА СНД 28 лютага 1998 года. Ордэн з`яўляецца найвышэйшай формай узнагароды грамадзян і арганізацый дзяржаў - удзельніц Садружнасці, іншых дзяржаў і асоб без грамадзянства і прысуджаецца за заслугі перад народамі ў розных галінах дзейнасці, за ўмацаванне міру і дружбы, развіццё эканамічных сувязей паміж дзяржавамі.

Парламенцкая дэлегацыя Рэспублікі Беларусь на чале са старшынёй Савета Рэспублікі Наталляй Качанавай 16 і 17 лістапада прымае ўдзел у мерапрыемствах Міжпарламенцкай асамблеі дзяржаў - удзельніц СНД у Бішкеку. Сёння адбылося пасяджэнне Савета МПА СНД, пасяджэнні пастаянных камісій МПА СНД па палітычных пытаннях і міжнародным супрацоўніцтве і па сацыяльнай палітыцы і правах чалавека; Моладзевай міжпарламенцкай асамблеі СНД. Беларуская дэлегацыя прыняла ўдзел у міжнароднай канферэнцыі, прысвечанай 85-годдзю Жагорку Кенеша Кыргызскай Рэспублікі.

17 лістапада адбудзецца 56-е пленарнае пасяджэнне МПА СНД. Асобная ўвага будзе ўдзелена ролі рускай мовы як мовы міжнацыянальных зносін у СНД. Парламентарыі таксама плануюць разгледзець шэраг мадэльных законапраектаў у сферы экалогіі, бяспекі і права. З удзелам парламенцкай дэлегацыі Рэспублікі Беларусь пройдзе міжнародная канферэнцыя да 95-годдзя з дня нараджэння Ч.Т.Айтматава.

16 лістапада 2023, Мінск
БЕЛТА