Звычайна на Дзень нараджэння імяніннік атрымлівае падарункі. Але беларусы Іркуцка стандартнымі шляхамі не ідуць.
Сябры Іркуцкага таварыства беларускай культуры імя Яна Чэрскага падарылі шыкоўны падарунак “Бацькаўшчыне” з нагоды свайго ж 15-гадовага юбілею, якое таварыства адзначыла 31 траўня. Такім падарункам стала творчая сустрэча з старшынём ІТБК Алегам Рудаковым і фальклорным гуртом “Крывічы”, якая адбылася 13 ліпеня на сядзібе Згуртавання беларусаў свету “Бацькаўшчына”.
Адкрыла сустрэчу старшыня Рады Згуртавання беларусаў свету “Бацькаўшчына” Ніна Шыдлоўская. Скарыстаўшыся нагодай, яна яшчэ раз павіншавала Таварыства з 15-годовым юбілеем і выказала падзяку за шматгадовую руплівую працу па папулярызацыі беларускай культуры ў Прыбайкаллі.
“Яны стварылі ў Іркуцку першую Беларусь у замежжы, такую, як мы хацелі б мець тут”, -- сказала Ніна Шылоўская.
Без перабольшвання ІТБК з’яўляецца адной з самых актыўных і паспяховых беларускіх суполак замежжа, і Згуртаванне беларусаў свету “Бацькаўшчына” ганарыцца сваёй супрацай з Таварыствам, адзначыла Ніна Шыдлоўская.
Падрабязней пра дзейнасць ІТБК распавёў Алег Рудакоў. Таварыства мае свае аддзяленні па ўсёй Іркуцкай вобласці і працуе ажно па 20 накірунках: гэта адраджэнне беларускіх абрадавых святаў, вывучэнне традыцыйных беларускіх танцаў ды спеваў, арганізацыя гістарычных вечарынаў, этнаграфічных вандровак, адраджэнне традыцыйных беларускіх рамёстваў, правядзенне беларускіх фестываляў і многае іншае. Алег Рудакоў расказаў таксама і пра праграму свайго візіту ў Беларусь. Яна была надзвычай насычаная. Госці з Іркуцка выступілі на канцэртах у Віцебску і Мінску ў межах Першага фестывалю мастацтваў беларусаў свету, які ладзіла Міністэрства культуры Беларусі, з’ездзілі ў гістарычную вандроўку на Полаччыну, узялі ўдзел у свяце Пятрок на Любаншчыне, наведалі Мір, Наваградак і іншыя гарады.
“Нас пытаюць: “Ну, як вы, столькі дзён у Беларусі?” А мы адказваем: “Мы стомленыя, але нязломленыя!”, – жартаваў Алег Рудакоў.
Спадар Алег прадставіў галоўных герояў, ці дакладней, гераінь сустрэчы – гурт “Крывічы”. Ён быў створаны па ініцыятыве Волі Галанавай, якая да таго ж узначальвае маладзёвы клуб з такой жа назвай. Воля – прадстаўніца ўжо трэцяга пакалення беларусаў у Сібіры, астатнія ўдзельніцы гурта таксама нарадзіліся ў Сібіры і ў Беларусі ніколі не жылі, аднак гэта ніяк не перашкаджае ім шыкоўна спяваць аўтэнтынтычныя беларускія песні, якія яны запісваюць у этнаграфічных вандроўках па беларускіх вёсках Іркуцкай вобласці.
Вельмі трапна пра выступленне дзяўчат сказаў Алесь Камоцкі: “З часам становіцца меней рэчаў, якія, калі слухаеш, ажно дрыжыкі па скуры ідуць. А тут гэта ёсць”. Сапраўды, спевы дзяўчат з Іркуцка выклікаюць вельмі моцныя пачуцці.
Алесь Камоцкі заспяваў некалькі песень, у тым ліку і тую, якую ніяк не мог дапісаць, а дапамагла гэта зрабіць калядная вандроўка ў Іркуцк.
Яшчэ адна ўдзельніца сустрэчы, бард Таццяна Беланогая, вітала сваімі песнямі добрых знаёмых – гурт “Крывічы”. Бо пазнаёміліся яны ў Прыбайкаллі, калі Таццяна па запрашэнні Алега Рудакова наведала Іркуцк і на свае вочы ўбачыла, чым займаецца ІТБК.
“Мне хочацца сказаць дзяўчатам з Іркуцка: “Пераязджайце ў Беларусь жыць, -- прызналася Таццяна. – Але я разумею. У іх там сваё жыццё. Я тут, яны там, але нейкая нітачка між намі працягнулася”.
Парадавалі прысутных сваімі песнямі і барды Аляксей Жбанаў і Аляксандр Галіч.
Напрыканцы сустрэчы Алег Рудакоў прадэманстраваў відэасюжэты, прысвечаныя дзейнасці ІТБК. Такіх сюжэтаў Таварыства мае шмат. Мясцовае тэлебачанне любіць бываць на мерапрыемствах ІТБК, прыязджаюць часам нават з маскоўскіх тэлеканалаў. Яно і не дзіўна. Беларускія святы ў Іркуцку заўжды вясёлыя, яскравыя, самабытныя.
На развітанне Алег Рудакоў запэўніў усіх прысутных: “Бел-чырвона-белы сцяг заўжды будзе лунаць у Іркуцку пакуль мы там!”
14 ліпеня 2011
ЗБС “Бацькаўшчына”
Адкрыла сустрэчу старшыня Рады Згуртавання беларусаў свету “Бацькаўшчына” Ніна Шыдлоўская. Скарыстаўшыся нагодай, яна яшчэ раз павіншавала Таварыства з 15-годовым юбілеем і выказала падзяку за шматгадовую руплівую працу па папулярызацыі беларускай культуры ў Прыбайкаллі.“Яны стварылі ў Іркуцку першую Беларусь у замежжы, такую, як мы хацелі б мець тут”, -- сказала Ніна Шылоўская.
Без перабольшвання ІТБК з’яўляецца адной з самых актыўных і паспяховых беларускіх суполак замежжа, і Згуртаванне беларусаў свету “Бацькаўшчына” ганарыцца сваёй супрацай з Таварыствам, адзначыла Ніна Шыдлоўская.
Падрабязней пра дзейнасць ІТБК распавёў Алег Рудакоў. Таварыства мае свае аддзяленні па ўсёй Іркуцкай вобласці і працуе ажно па 20 накірунках: гэта адраджэнне беларускіх абрадавых святаў, вывучэнне традыцыйных беларускіх танцаў ды спеваў, арганізацыя гістарычных вечарынаў, этнаграфічных вандровак, адраджэнне традыцыйных беларускіх рамёстваў, правядзенне беларускіх фестываляў і многае іншае. Алег Рудакоў расказаў таксама і пра праграму свайго візіту ў Беларусь. Яна была надзвычай насычаная. Госці з Іркуцка выступілі на канцэртах у Віцебску і Мінску ў межах Першага фестывалю мастацтваў беларусаў свету, які ладзіла Міністэрства культуры Беларусі, з’ездзілі ў гістарычную вандроўку на Полаччыну, узялі ўдзел у свяце Пятрок на Любаншчыне, наведалі Мір, Наваградак і іншыя гарады.
“Нас пытаюць: “Ну, як вы, столькі дзён у Беларусі?” А мы адказваем: “Мы стомленыя, але нязломленыя!”, – жартаваў Алег Рудакоў.
Спадар Алег прадставіў галоўных герояў, ці дакладней, гераінь сустрэчы – гурт “Крывічы”. Ён быў створаны па ініцыятыве Волі Галанавай, якая да таго ж узначальвае маладзёвы клуб з такой жа назвай. Воля – прадстаўніца ўжо трэцяга пакалення беларусаў у Сібіры, астатнія ўдзельніцы гурта таксама нарадзіліся ў Сібіры і ў Беларусі ніколі не жылі, аднак гэта ніяк не перашкаджае ім шыкоўна спяваць аўтэнтынтычныя беларускія песні, якія яны запісваюць у этнаграфічных вандроўках па беларускіх вёсках Іркуцкай вобласці.
Вельмі трапна пра выступленне дзяўчат сказаў Алесь Камоцкі: “З часам становіцца меней рэчаў, якія, калі слухаеш, ажно дрыжыкі па скуры ідуць. А тут гэта ёсць”. Сапраўды, спевы дзяўчат з Іркуцка выклікаюць вельмі моцныя пачуцці.
Алесь Камоцкі заспяваў некалькі песень, у тым ліку і тую, якую ніяк не мог дапісаць, а дапамагла гэта зрабіць калядная вандроўка ў Іркуцк.
Яшчэ адна ўдзельніца сустрэчы, бард Таццяна Беланогая, вітала сваімі песнямі добрых знаёмых – гурт “Крывічы”. Бо пазнаёміліся яны ў Прыбайкаллі, калі Таццяна па запрашэнні Алега Рудакова наведала Іркуцк і на свае вочы ўбачыла, чым займаецца ІТБК.
“Мне хочацца сказаць дзяўчатам з Іркуцка: “Пераязджайце ў Беларусь жыць, -- прызналася Таццяна. – Але я разумею. У іх там сваё жыццё. Я тут, яны там, але нейкая нітачка між намі працягнулася”.
Парадавалі прысутных сваімі песнямі і барды Аляксей Жбанаў і Аляксандр Галіч.
Напрыканцы сустрэчы Алег Рудакоў прадэманстраваў відэасюжэты, прысвечаныя дзейнасці ІТБК. Такіх сюжэтаў Таварыства мае шмат. Мясцовае тэлебачанне любіць бываць на мерапрыемствах ІТБК, прыязджаюць часам нават з маскоўскіх тэлеканалаў. Яно і не дзіўна. Беларускія святы ў Іркуцку заўжды вясёлыя, яскравыя, самабытныя.
На развітанне Алег Рудакоў запэўніў усіх прысутных: “Бел-чырвона-белы сцяг заўжды будзе лунаць у Іркуцку пакуль мы там!”
14 ліпеня 2011
ЗБС “Бацькаўшчына”
Ссылка на текущий документ: http://belarus.kz/aktueller/3-/701/7934
Текущая дата: 26.11.2024