Сем літоўскіх мытнікаў былі забітыя рыжскімі амонаўцамі. Пачаўся суд над адным з іх.
Літоўскія следчыя перадалі ў суд справу першага затрыманага па абвінавачванні ў забойстве сямі літоўскіх мытнікаў. Яно было здзейсненае ў 1991 годзе, напярэдадні путчу. Жахлівая разня маладзенькіх мытнікаў, што падпарадкоўваліся Вільні, а не Маскве, жахнула беларуска-літоўскае памежжа.
30 сакавіка на пасяджэнні Віленскага акруговага суда пракурор літоўскай Генпракуратуры Раландас Станкявічус сказаў, што былы амонавец Канстанцін Міхайлаў (новае прозвішча, раней ён насіў прозвішча Нікулін) здзейсніў злачынства па 2 і 5 пунктах 129 арт. Крымінальнага кодэкса — забойства двух і больш асоб, якія знаходзіліся пры выкананні службовых абавязкаў.
Па словах пракурора, для забойства медніцкіх памежнікаў сфармавалі групу з трох рыжан, у склад якой уваходзілі Міхайлаў, Андрэй Лактыёнаў і Аляксандр Рыжоў. Загад здзейсніць злачынства аддаў Чэслаў Млыннік.
Станкявічус сцвярджае, што да 23 гадзін Млыннік абраў трох згаданых «амапаўцаў». Ім быў аддадзены загад ехаць пад Меднікі (па-літоўску Медзінінкай) і забіць пагранічнікаў. Сам Млыннік з’ехаў у Рыгу.
Міхайлаў з Рыжовым і Лактыёнавым, са словаў пракурора, адбылі ў Меднікі апоўначы. Іх вёз на месца «амапавец» Тадэвуш Гуданец і яшчэ адзін віленскі «амапавец». Па словах пракурора, напад быў здзейснены а 4–5-й ураніцы, калі на трасе амаль няма руху.
Па словах пракурора, Міхайлаў хацеў запалохаць Юзаса Яноніса і Альгірдаса Казлаўскаса, якія знаходзіліся ў 50 метрах ад паста, таму стрэліў у аўтамабіль, у якім сядзеў Яноніс. Дзве кулі патрапілі Янонісу ў жывот.
Тым часам Лактыёнаў і Рыжоў затрымалі пакінутых шасцярых памежнікаў, якія падзяліліся на дзве групы: адна знаходзілася ў вагоне, іншая — побач з ім.
Памежнікаў загналі ў вагончык, які знаходзіўся на пасце, там у іх стрэлялі не менш за 13 разоў. Па словах Станкявічюса, стралялі ў галовы.
Памежнікі Антанас Мусцейкіс, Станісловас Арлавічус, служачыя Альгімантас Юозакас, Міндоўг Балавакас, работнікі ДАІ Юозас Яноніс і Альгірдас Казлаўскас загінулі на месцы.
2 жніўня ў шпіталі памёр цяжкапаранены міліцыянт Рычардас Рабавічюс. У жывых застаўся толькі цяжкапаранены мытнік Томас Шярнас.
Міхайлаў пакуль з’яўляецца адзіным падазраваным, які паўстаў перад судом. Іншых падазраваных Расія адмаўляецца выдаваць.
Ён быў затрыманы ў 2007 годзе ў Латвіі і перададзены Літве. З тых часоў Міхайлаў знаходзіцца пад вартай.
Каля віленскай трасы пад Меднікамі дагэтуль стаіць вагончык, які стаў музеем.
Наша Ніва
1 красавiка 2011
30 сакавіка на пасяджэнні Віленскага акруговага суда пракурор літоўскай Генпракуратуры Раландас Станкявічус сказаў, што былы амонавец Канстанцін Міхайлаў (новае прозвішча, раней ён насіў прозвішча Нікулін) здзейсніў злачынства па 2 і 5 пунктах 129 арт. Крымінальнага кодэкса — забойства двух і больш асоб, якія знаходзіліся пры выкананні службовых абавязкаў.
Па словах пракурора, для забойства медніцкіх памежнікаў сфармавалі групу з трох рыжан, у склад якой уваходзілі Міхайлаў, Андрэй Лактыёнаў і Аляксандр Рыжоў. Загад здзейсніць злачынства аддаў Чэслаў Млыннік.
Станкявічус сцвярджае, што да 23 гадзін Млыннік абраў трох згаданых «амапаўцаў». Ім быў аддадзены загад ехаць пад Меднікі (па-літоўску Медзінінкай) і забіць пагранічнікаў. Сам Млыннік з’ехаў у Рыгу.
Міхайлаў з Рыжовым і Лактыёнавым, са словаў пракурора, адбылі ў Меднікі апоўначы. Іх вёз на месца «амапавец» Тадэвуш Гуданец і яшчэ адзін віленскі «амапавец». Па словах пракурора, напад быў здзейснены а 4–5-й ураніцы, калі на трасе амаль няма руху.
Па словах пракурора, Міхайлаў хацеў запалохаць Юзаса Яноніса і Альгірдаса Казлаўскаса, якія знаходзіліся ў 50 метрах ад паста, таму стрэліў у аўтамабіль, у якім сядзеў Яноніс. Дзве кулі патрапілі Янонісу ў жывот.
Тым часам Лактыёнаў і Рыжоў затрымалі пакінутых шасцярых памежнікаў, якія падзяліліся на дзве групы: адна знаходзілася ў вагоне, іншая — побач з ім.
Памежнікаў загналі ў вагончык, які знаходзіўся на пасце, там у іх стрэлялі не менш за 13 разоў. Па словах Станкявічюса, стралялі ў галовы.
Памежнікі Антанас Мусцейкіс, Станісловас Арлавічус, служачыя Альгімантас Юозакас, Міндоўг Балавакас, работнікі ДАІ Юозас Яноніс і Альгірдас Казлаўскас загінулі на месцы.
2 жніўня ў шпіталі памёр цяжкапаранены міліцыянт Рычардас Рабавічюс. У жывых застаўся толькі цяжкапаранены мытнік Томас Шярнас.
Міхайлаў пакуль з’яўляецца адзіным падазраваным, які паўстаў перад судом. Іншых падазраваных Расія адмаўляецца выдаваць.
Ён быў затрыманы ў 2007 годзе ў Латвіі і перададзены Літве. З тых часоў Міхайлаў знаходзіцца пад вартай.
Каля віленскай трасы пад Меднікамі дагэтуль стаіць вагончык, які стаў музеем.
Наша Ніва
1 красавiка 2011
Ссылка на текущий документ: http://belarus.kz/aktueller/3-/708/5666
Текущая дата: 14.11.2024