Самая шматлікая фракцыя Еўрапарламента, Еўрапейская народная партыя (ЕНП), прапаноўвае найбольш жорсткі варыянт рэзалюцыі па Беларусі. Праекты рэзалюцыі будуць абмеркаваны сёння ў другой палове дня на дэбатах, якія пройдуць падчас сесіі Еўрапарламента ў Страсбургу. 20 студзеня адбудзецца галасаванне па дакуменце.
Паводле звестак прэс-службы Еўрапарламента, перад пачаткам дэбатаў па Беларусі з адпаведнай заявай выступіць вярхоўны прадстаўнік ЕС па замежных справах і палітыцы бяспекі Кэтрын Эштан. Чакаецца, што яна выкажацца за неабходнасць увядзення санкцый у дачыненні да беларускіх чыноўнікаў. Затым еўрадэпутаты пачнуць абмеркаванне варыянтаў рэзалюцыі, прапанаваных рознымі парламенцкімі фракцыямі.
У праекце дакумента, падрыхтаванага ЕНП, Савету ЕС і Еўракамісіі прапаноўваецца перагледзець сваю палітыку ў дачыненні да Беларусі, у тым ліку ў эканамічнай сферы, а таксама неадкладна аднавіць візавыя абмежаванні на ўезд у ЕС для шэрагу беларускіх чыноўнікаў, у тым ліку прадстаўнікоў судоў і праваахоўных органаў, якія мелі дачыненне да парушэнняў падчас галасавання і рэпрэсій пасля прэзідэнцкіх выбараў 2010 года.
Апрача таго, прапаноўваецца замарозіць усю макрафінансавую дапамогу ў выглядзе крэдытаў МВФ, праграм Еўрапейскага інвестыцыйнага банка і Еўрапейскага банка рэканструкцыі і развіцця; замарозіць удзел Беларусі ў праграме "Усходняе партнёрства" да станоўчых зменаў пачынаючы з "безумоўнага вызвалення прадстаўнікоў палітычнай апазіцыі"; абмежаваць кантакты з беларускімі ўладамі да "абсалютнага мінімуму"; замарозіць маёмасць "Белтэхэкспарта" і іншых беларускіх экспарцёраў узбраення і ваеннай тэхнікі.
Кіраўніцтву ЕС прапаноўваецца падтрымаць развіццё дэмакратыі ў Беларусі шляхам павелічэння фінансавай падтрымкі недзяржаўным СМІ і арганізацыям грамадзянскай супольнасці, колькасці стыпендый для выключаных з ВНУ беларускіх студэнтаў, працягнуць падтрымку Еўрапейскага гуманітарнага ўніверсітэта.
Прапаноўваецца таксама паскорыць падрыхтоўку пагадненняў паміж Беларуссю і ЕС аб спрашчэнні візавага рэжыму і рэадмісіі, каб аблегчыць кантакты паміж людзьмі.
У варыянце рэзалюцыі ЕНП утрымліваецца заклік да ўладаў Беларусі правесці паўторныя прэзідэнцкія выбары.
Свае варыянты рэзалюцыі прапаноўваюць таксама фракцыі сацыялістаў і лібералаў. Многія пункты рэзалюцый супадаюць з тым, што прапаноўвае ЕНП, зазначае прэс-служба Еўрапарламента.
Таццяна Каравянкова, БелаПАН
Мінск, 19 студзеня 2011
У праекце дакумента, падрыхтаванага ЕНП, Савету ЕС і Еўракамісіі прапаноўваецца перагледзець сваю палітыку ў дачыненні да Беларусі, у тым ліку ў эканамічнай сферы, а таксама неадкладна аднавіць візавыя абмежаванні на ўезд у ЕС для шэрагу беларускіх чыноўнікаў, у тым ліку прадстаўнікоў судоў і праваахоўных органаў, якія мелі дачыненне да парушэнняў падчас галасавання і рэпрэсій пасля прэзідэнцкіх выбараў 2010 года.
Апрача таго, прапаноўваецца замарозіць усю макрафінансавую дапамогу ў выглядзе крэдытаў МВФ, праграм Еўрапейскага інвестыцыйнага банка і Еўрапейскага банка рэканструкцыі і развіцця; замарозіць удзел Беларусі ў праграме "Усходняе партнёрства" да станоўчых зменаў пачынаючы з "безумоўнага вызвалення прадстаўнікоў палітычнай апазіцыі"; абмежаваць кантакты з беларускімі ўладамі да "абсалютнага мінімуму"; замарозіць маёмасць "Белтэхэкспарта" і іншых беларускіх экспарцёраў узбраення і ваеннай тэхнікі.
Кіраўніцтву ЕС прапаноўваецца падтрымаць развіццё дэмакратыі ў Беларусі шляхам павелічэння фінансавай падтрымкі недзяржаўным СМІ і арганізацыям грамадзянскай супольнасці, колькасці стыпендый для выключаных з ВНУ беларускіх студэнтаў, працягнуць падтрымку Еўрапейскага гуманітарнага ўніверсітэта.
Прапаноўваецца таксама паскорыць падрыхтоўку пагадненняў паміж Беларуссю і ЕС аб спрашчэнні візавага рэжыму і рэадмісіі, каб аблегчыць кантакты паміж людзьмі.
У варыянце рэзалюцыі ЕНП утрымліваецца заклік да ўладаў Беларусі правесці паўторныя прэзідэнцкія выбары.
Свае варыянты рэзалюцыі прапаноўваюць таксама фракцыі сацыялістаў і лібералаў. Многія пункты рэзалюцый супадаюць з тым, што прапаноўвае ЕНП, зазначае прэс-служба Еўрапарламента.
Таццяна Каравянкова, БелаПАН
Мінск, 19 студзеня 2011
Ссылка на текущий документ: http://belarus.kz/aktueller/3-/727/3858
Текущая дата: 19.09.2024