Паводле зьвестак карэспандэнтаў "Свабоды" ў кіргіскім горадзе Ош, там ідуць размовы пра хуткае зьяўленьне Бакіева. Паводле мясцовых крыніцаў, Бакіеў выляцеў зь Менску і кіруецца ў гэты рэгіён Сярэдняй Азіі.

На заўтра, 22 чэрвеня, на запросіны экс-прэзыдэнта, была прызначана сустрэча ў яго менскай загараднай рэзыдэнцыі з групай журналістаў. На сустрэчу быў запрошаны і карэспандэнт "Свабоды".

Сёньня раніцай рэдакцыя перадала Бакіеву папярэднія пытаньні. Аднак сёньня ж у другой палове дня, пасьля атрыманьня першых зьвестак з Ошу, мы зьвязаліся з аховай Бакіева, каб спраўдзіць заўтрашнюю сустрэчу.

Нам паведамілі, што сустрэча адкладаецца: быццам распрацоўваецца іншы сцэнар сустрэчы, трэба сачыць за паведамленьнямі нацыянальнага прэс-цэнтру.

Іншыя прычыны названыя не былі.

21.06.2010
Радыё Свабода

Ссылка на текущий документ: http://belarus.kz/aktueller/3-/761/1120

Текущая дата: 05.11.2024