Анжаліка Борыс заявіла сваім паплечнікам, што з асабістых прычынаў пакідае пасаду старшыні Саюзу палякаў, які не прызнаецца беларускімі ўладамі. Хто будзе выконваць абавязкі старшыні, мае вырашыць Галоўная рада СПБ, якая зьбярэцца ў Горадні ў суботу, 19 чэрвеня. А.Борыс кіруе арганізацыяй з 2005 году, а ў 2009 годзе яе пераабралі на гэтую пасаду.
Як рэагуюць на навіну паплечнікі Анжалікі Борыс?
Яе намесьнік —Мечыслаў Яскевіч:
"Быў сход нашых актывістаў, і пані прэзэс паведаміла пра гэта. Запыталі ў яе — якія прычыны? Яна адказала, што — асабістыя, так патлумачыла".
"Прэзэс" — значыць старшыня арганізацыі. Сама Анжаліка Борыс на званкі не адказвае. А прэсавы сакратар Саюзу палякаў Ігар Банцар кажа, што не ўпаўнаважаны камэнтаваць яе рашэньне аб адстаўцы:
"Я толькі што размаўляў з пані прэзэс за дзьве хвіліны перад вамі, таму я нічога казаць ня буду. Ніякіх камэнтароў, усё на сайце ёсьць".
У Горадні некаторыя выказваюць здагадкі: ці ня можа так стацца, што Анжаліка Борыс выходзіць замуж?
Банцар: "Такія пытаньні! А нават калі і замуж выходзіць — гэта яе прыватная справа… Не-не, справа гэта асабістая, але абсалютна ня гэта. Яна мне толькі што тэлефанавала і сказала, што камэнтаваць ня будзе, таму што справа малапрыемная, разумееце. Я таксама камэнтаваць ня буду, прыватнае жыцьцё ёсьць прыватнае жыцьцё. Да наступнай суботы напэўна нічога ня вырашыцца".
У гэты дзень, 19-га чэрвеня, павінна сабрацца Галоўная рада СПБ. Яе кіраўнік Андрэй Пачобут прызнаўся:
"Дванаццатага чэрвеня адбылася сустрэча Анжалікі Борыс зь лякальнымі актывістамі Саюзу палякаў, якім яна паведаміла пра свой намер сысьці ў адстаўку. Гэта была нечаканая інфармацыя. Яе прасілі аб тым, каб яна разважыла і гэтак далей".
Андрэй Пачобут патлумачыў таксама:
"Прынята рашэньне аб тым, што паседжаньне Галоўнай рады адбудзецца ў бліжэйшую суботу і будзе разгледжана гэтае пытаньне. Галоўная рада, паводле статуту, у выпадку, калі старшыня ня мае магчымасьці выконваць абавязкі, прызначае выканаўцу абавязкаў, і ён да канца кадэнцыі тады зьяўляецца лідэрам арганізацыі. Нічога больш я сказаць не магу".
Трэба зазначыць, што галоўнай мэтай паплечнікі спадарыні Борыс лічаць легалізацыю сваёй дзейнасьці. Улады, аднак, на ўсе звароты і просьбы зарэгістраваць арганізацыю не адказваюць.
Пакліканая ў справе канфлікту вакол Саюзу палякаў супольная беларуска-польская камісія таксама ніякага плёну пакуль не дала. Улады задавальняе існаваньне аднаго — афіцыйнага Саюзу палякаў, на чале якога цяпер Станіслаў Сямашка.
14.06. 2010 Радыё Свабода
Яе намесьнік —Мечыслаў Яскевіч:
"Быў сход нашых актывістаў, і пані прэзэс паведаміла пра гэта. Запыталі ў яе — якія прычыны? Яна адказала, што — асабістыя, так патлумачыла".
"Прэзэс" — значыць старшыня арганізацыі. Сама Анжаліка Борыс на званкі не адказвае. А прэсавы сакратар Саюзу палякаў Ігар Банцар кажа, што не ўпаўнаважаны камэнтаваць яе рашэньне аб адстаўцы:
"Я толькі што размаўляў з пані прэзэс за дзьве хвіліны перад вамі, таму я нічога казаць ня буду. Ніякіх камэнтароў, усё на сайце ёсьць".
У Горадні некаторыя выказваюць здагадкі: ці ня можа так стацца, што Анжаліка Борыс выходзіць замуж?
Банцар: "Такія пытаньні! А нават калі і замуж выходзіць — гэта яе прыватная справа… Не-не, справа гэта асабістая, але абсалютна ня гэта. Яна мне толькі што тэлефанавала і сказала, што камэнтаваць ня будзе, таму што справа малапрыемная, разумееце. Я таксама камэнтаваць ня буду, прыватнае жыцьцё ёсьць прыватнае жыцьцё. Да наступнай суботы напэўна нічога ня вырашыцца".
У гэты дзень, 19-га чэрвеня, павінна сабрацца Галоўная рада СПБ. Яе кіраўнік Андрэй Пачобут прызнаўся:
"Дванаццатага чэрвеня адбылася сустрэча Анжалікі Борыс зь лякальнымі актывістамі Саюзу палякаў, якім яна паведаміла пра свой намер сысьці ў адстаўку. Гэта была нечаканая інфармацыя. Яе прасілі аб тым, каб яна разважыла і гэтак далей".
Андрэй Пачобут патлумачыў таксама:
"Прынята рашэньне аб тым, што паседжаньне Галоўнай рады адбудзецца ў бліжэйшую суботу і будзе разгледжана гэтае пытаньне. Галоўная рада, паводле статуту, у выпадку, калі старшыня ня мае магчымасьці выконваць абавязкі, прызначае выканаўцу абавязкаў, і ён да канца кадэнцыі тады зьяўляецца лідэрам арганізацыі. Нічога больш я сказаць не магу".
Трэба зазначыць, што галоўнай мэтай паплечнікі спадарыні Борыс лічаць легалізацыю сваёй дзейнасьці. Улады, аднак, на ўсе звароты і просьбы зарэгістраваць арганізацыю не адказваюць.
Пакліканая ў справе канфлікту вакол Саюзу палякаў супольная беларуска-польская камісія таксама ніякага плёну пакуль не дала. Улады задавальняе існаваньне аднаго — афіцыйнага Саюзу палякаў, на чале якога цяпер Станіслаў Сямашка.
14.06. 2010 Радыё Свабода
Ссылка на текущий документ: http://belarus.kz/aktueller/3-/766/981
Текущая дата: 24.11.2024