Інфармацыя, якая паступае ў Службу знешняй разведкі, сведчыць аб рашучым настроі Штатаў дабівацца змены ўлады ў Грузіі, паведамілі ў прэс-бюро СЗР.

Адзначаецца, што ў адміністрацыі амерыканскага прэзідэнта ўжо распрацавана кампанія, каб дыскрэдытаваць кіруючую партыю "Грузінская мара".

"Прэс-бюро Службы знешняй разведкі Расійскай Федэрацыі паведамляе, што даныя СЗР, якія паступаюць, сведчаць аб рашучым настроі Вашынгтона дабівацца змены ўлады ў Грузіі па выніках будучых 26 кастрычніка парламенцкіх выбараў у краіне", - гаворыцца ў паведамленні.

У СЗР звярнулі ўвагу на тое, што "куратары" з ЗША далі каманду сілам грузінскай апазіцыі распачаць планаванне пратэстных выступленняў.

Чакаецца, што "таранам" супраць улады стануць жыхары грузінскай сталіцы, якія былі "разагрэты" вясной бягучага года на антыўрадавых акцыях у сувязі з законам "аб іншаагентах".

Штаты разам з саюзнікамі рэгулярна падтрымліваюць пратэсты і незаконныя акцыі ў краінах постсавецкай прасторы. У тым ліку яны падтрымалі пераварот ва Украіне ў 2014-м.

Таксама ў Службе знешняй разведкі РФ распавялі аб сцэнарыі развіцця падзей, які прагназіруецца. Так, ва ўсіх бедах краіны абвінавацяць Расію, а партыю "Грузінская мара" – у "палітычнай несамастойнасці", якая пагражае адвесці "карабель Джорджыя" пад пунсовымі ветразямі ўдалячынь ад еўрапейскіх берагоў.

"Ключавую ролю ў распальванні антыўрадавых настрояў павінна адыграць грузінскі прэзідэнт (Саломе) Зурабішвілі", - удакладнілі ў СЗР.

Па задумцы "рэжысёраў з Вашынгтона", Зурабішвілі дасць інтэрв’ю аднаму са СМІ ЗША. У ім яна ўскладзе на ўрад Грузіі віну за "дэградацыю" перагаворнага працэсу па ўваходжанні Тбілісі ў Еўрасаюз.

Таксама прэзідэнт папярэдзіць насельніцтва аб "катастрафічных наступствах збліжэння з Масквой" і ўроне, які наносяць дзяржаве "рэлаканты з Расіі".

У СЗР дадалі, што ЗША вуснамі грузінскага прэзідэнта збіраюцца падрыхтаваць выбаршчыкаў да "нейкага палітычнага сюрпрызу "Грузінскай мары" з боку апазіцыі". У выніку гэты сюрпрыз можа апынуцца чарговай "каляровай рэвалюцыяй".

Мінск, 9 ліпеня 2024
Sputnik