Міжнародны музычны фестываль "Новая хваля" з 2015 года будзе праводзіцца ў Сочы. Аб гэтым заявіў губернатар Краснадарскага края Аляксандр Ткачоў.

"Мы заваявалі права прымаць "Новую хвалю". І я лічу, што гэта не проста нашы маленькія перамогі. Гэта тое, чым мы будзем прывабліваць вялікую колькасць турыстаў, запаўняць гасцініцы, ствараць новыя рабочыя месцы", - сказаў Аляксандр Ткачоў.

Асноўнымі прэтэндэнтамі на правядзенне фестывалю, акрамя Сочы, былі Калінінград і Ялта.

У прэс-службе адзначылі, што да пераносу "Новай хвалі" з Юрмалы ў Расію арганізатараў падштурхнула тое, што ўлады Латвіі ў ліпені 2014 года забаранілі ўезд у краіну некалькім расійскім выканаўцам, у тым ліку Іосіфу Кабзону, Валерыі і Алегу Газманаву.

12 студзеня 2015, Масква
Эдуард Півавар - БЕЛТА