Як паведамляе прэс-служба прэзідэнта Казахстана, падчас сустрэчы з удзельнікамі пасяджэння кіраўнік дзяржавы адзначыў важнасць дзейнасці згаданых органаў у сучасных умовах. "Мы бачым новыя выклікі, актывізацыю тэрарыстычных арганізацый. У гэтых умовах каардынацыя працы органаў нацыянальнай бяспекі і спецыяльных службаў вельмі важная", — сказаў Нурсултан Назарбаеў.

Прэзідэнт Казахстана падкрэсліў, што ва ўмовах працы Мытнага саюза пытанні бяспекі становяцца асабліва актуальнымі. "Межы сталі празрыстымі, правапарушальнікі могуць спакойна перамяшчацца па тэрыторыях краін. У сувязі з гэтым ваша сумесная праца, аказанне дзейснай інфармацыйнай падтрымкі адзін аднаму мае неацэннае значэнне", — заначыў Назарбаеў.

Ён звярнуў увагу, што фундаментам бяспечнага і стабільнага грамадства з`яўляецца выкананне роўнасці правоў усіх грамадзян, а таксама ўстойлівае сацыяльна-эканамічнае развіццё. "Зараз мы адчуваем набліжэнне новых выклікаў, звязаных з цяжкасцямі ў сусветнай эканоміцы і падзеямі вакол сітуацыі ва Украіне. У сувязі з гэтым дзяржавамі неабходна прымаць меры перш за ўсё ўнутранага характару", — заявіў прэзідэнт Казахстана.

Вячаслаў Будкевіч, БелаПАН