Як паведамілі ў прэс-цэнтры Дзяржаўнага пагранічнага камітэта Беларусі, з нядзелі пропуск грамадзян і транспартных сродкаў праз беларуска-літоўскую мяжу будзе ажыццяўляцца наступным чынам:

пункт спрошчанага пропуску "Доцішкі" штодня з 09.00 да 20.00;

пункт спрошчанага пропуску "Пяцюлеўцы" — пятніца, субота, нядзеля з 11.00 да 18.00;

пункт спрошчанага пропуску "Геранёны" — пятніца, субота, нядзеля з 10.00 да 17.00;

пункт спрошчанага пропуску "Піцкуны" ў дні святкавання Вялікадня і Дня памяці (1, 2 лістапада), Раства Хрыстова (каталіцкага 24, 25, 26 снежня; праваслаўнага — 6, 7 студзеня) — з 10.00 да 17.00;

пункт спрошчанага пропуску "Парэчча" — штодня з 9.00 да 20.00.

Пропуск асоб будзе ажыццяўляцца пры наяўнасці сапраўдных дакументаў на права перасячэння дзяржаўнай мяжы і меткі аб прапісцы ў памежнай зоне.

У пунктах спрошчанага пропуску будзе ажыццяўляцца пропуск транспартных сродкаў, якія належаць асобам, што перамяшчаюцца на іх, на праве ўласнасці або карыстання ці валодання.

Вячаслаў Будкевіч, БелаПАН
Мінск, 26 кастрычніка 2012

Ссылка на текущий документ: http://belarus.kz/aktueller/3-0/609/17145

Текущая дата: 18.11.2024