Кітай можа стаць інвестарам стварэння першага беларускага спадарожніка сувязі. Аб гэтым паведаміў сёння журналістам міністр сувязі і інфарматызацыі Беларусі Мікалай Панцялей.

 

"Першапачаткова планавалася, што фінансаваць праект будзе адна расійская кампанія. Цяпер вядуцца перагаворы з Кітаем, і цалкам верагодна, што гэта краіна будзе ўдзельнічаць у рэалізацыі нашага праекта не толькі як пастаўшчык абсталявання, але і як інвестар", - сказаў міністр.

 

Як паведаміў Мікалай Панцялей, ужо створана кампанія-аператар беларускага спадарожніка сувязі. "Заяўка на арбітальную пазіцыю і на рэсурсы гэтай пазіцыі пададзена ўжо ў Міжнародны саюз электрасувязі", - адзначыў міністр.