Беларускія і расійскія дыпламаты правялі ў Швейцарыі сумесны брыфінг, прысвечаны ініцыятыве Масквы і Мінска па распрацоўцы Еўразійскай хартыі разнастайнасці і шматпалярнасці ў XXI стагоддзі, паведамілі ў прэс-службе МЗС.

Сумеснае бачанне дакумента, які прадугледжвае ідэю пабудовы шматпалярнага свету, прадставілі пастаянны прадстаўнік Беларусі пры аддзяленні ААН і іншых міжнародных арганізацыях у Жэневе Ларыса Бельская і расійскі пастаянны прадстаўнік Генадзь Гацілаў.

Дыпламаты адзначылі, што хартыя заклікана ўмацаваць міжнародную бяспеку, перш за ўсё, на еўразійскай прасторы.

Асабліва падкрэсліваецца, што ініцыятыва не накіравана супраць якой-небудзь краіны - наадварот, важны дыялог з усімі патэнцыйнымі ўдзельнікамі, уключаючы еўрапейскія дзяржавы.

Бельская заявіла, што неабходна замацаваць у хартыі прынцып павагі разнастайнасці і шматпалярнасці як найважнейшых характарыстык сучаснай карціны свету і дынамічнага еўрапейскага еўразійскага рэгіёну.

Прадстаўнік Расіі ў сваю чаргу сказаў, што трэба генераваць ідэі, заснаваныя не на праве моцнага, а на раўнапраўі і сумленным балансе інтарэсаў.

Беларуска-расійская ініцыятыва выклікала вялікую цікавасць у прадстаўнікоў такіх інтэграцыйных структур, як ШАС, БРІКС, Еўрасаюз, АСЕАН, СНД, Еўразійскі эканамічны саюз і іншыя.

Нагадаем, сумеснае бачанне Еўразійскай хартыі разнастайнасці і шматпалярнасці ў XXI стагоддзі Беларусь і Расіяпадпісалі на паседжанні калегіі МЗС дзвюх краін у Брэсце ў лістападзе 2024 года. Свае подпісы пад дакументам паставілі кіраўнікі ведамстваў Максім Рыжанкоў і Сяргей Лаўроў.

Дакумент плануецца афіцыйна прадставіць на трэцяй Мінскай канферэнцыі па бяспецы восенню 2025 года.

Мінск, 19 лютага 2025
Sputnik