Кіраўнік рэгіянальнай нацыянальна-культурнай аўтаноміі "Беларусы Крыма" Раман Чагрынец запрасіў прэзідэнта Беларусі Аляксандра Лукашэнку наведаць паўвостраў з нагоды святкавання восьмай гадавіны ўз`яднання Крыма з Расіяй.

Раней у вялікім інтэрв`ю генеральнаму дырэктару МІА "Россия сегодня" прэзідэнт Беларусі Аляксандр Лукашэнка выказаўся на тэму прызнання Крыма, адзначыўшы, што афіцыйным прызнаннем беларускім бокам стане яго візіт на паўвостраў. Лукашэнка таксама нагадаў, што Крым дэ-факта і дэ-юрэ стаў расійскім пасля рэферэндуму 2014 года.

У сваю чаргу прэс-сакратар прэзідэнта РФ Дзмітрый Пяскоў, каментуючы заяву беларускага лідэра, заявіў, што ў зручны момант прэзідэнты Уладзімір Пуцін і Аляксандр Лукашэнка наведаюць Крым разам.

У гутарцы з карэспандэнтам РІА Навіны Чагрынец адзначыў, што і прэзідэнту Беларусі, і афіцыйным асобам рэспублікі ўжо неаднаразова накіроўваліся запрашэнні наведаць паўвостраў.

Нагадаем, у снежні неафіцыйная дэлегацыя ў складзе пяці чалавек з Беларусі з двухдзённым візітам наведала паўвостраў, у яе склад увайшлі Аляксей Дзермант, Аляксандр Шацько, Аляксандр Шпакоўскі, Сяргей Лушч і Аляксей Аўдонін.

Чагрынец удакладніў, што адна з асноўных дат, якія прапануюць для візіту Аляксандру Лукашэнку, - гэта восьмая гадавіна Крымскай вясны.

Ён дадаў, што ў Беларусі зараз ідзе падрыхтоўка да правядзення рэферэндуму па Канстытуцыі.

"Натуральна, пакуль ён не пройдзе і не падвядуць вынікі, ніхто не зможа прыехаць. Але ўжо пачынаючы з сакавіка магчымы сюрпрызы, прычым мы не толькі чакаем гасцей, але і, магчыма, зробім цікавы выезд вядомых крымчан у Рэспубліку Беларусь", - сказаў Чагрынец .

У сваю чаргу кіраўнік Рэспублікі Крым Сяргей Аксёнаў заявіў "Известиям", што ўлады Крыма будуць рады бачыць прэзідэнта Беларусі Аляксандра Лукашэнку ў дзень гадавіны ўз`яднання паўвострава з Расіяй.

"Гэты прэрагатыва прэзідэнта і МЗС Расіі. Мы са свайго боку будзем рады бачыць Аляксандра Рыгоравіча ў Крыме і на гадавіну ўз`яднання з Расіяй, і ў любы іншы час. Гэта адпавядае духу адносін паміж нашымі краінамі і народамі", - сказаў Аксёнаў.

Восьмая гадавіна ўз`яднання Крыма з Расіяй пройдзе пад дэвізам "Крымская вясна - разам назаўжды". Асноўныя мерапрыемствы запланаваны на 16-18 сакавіка.

Крым стаў расійскім рэгіёнам у сакавіку 2014 года па выніках рэферэндуму пасля дзяржперавароту на Украіне. Тады за ўваходжанне ў склад Расійскай Федэрацыі выказаліся 96,77% выбаршчыкаў у Крыме і 95,6% у Севастопалі. Кіеў па-ранейшаму лічыць Крым сваёй, але часова акупаванай тэрыторыяй, і на Захадзе такая пазіцыя Украіны знаходзіць падтрымку. Масква неаднаразова заяўляла, што жыхары Крыма прагаласавалі за ўз`яднанне з Расіяй дэмакратычным шляхам у поўнай адпаведнасці з міжнародным правам і Статутам ААН. Паводле слоў прэзідэнта РФ, пытанне Крыма "закрыта канчаткова".

Мінск, 17 лютага 2022
Sputnik