Салдат Эміль Чэчка, які ўцёк у Беларусь, у інтэрв`ю беларускаму тэлебачанню распавёў пра два факты забойства польскімі сілавікамі валанцёраў.

На ўдакладняючае пытанне журналіста аб тым, ці быў ён на самой справе сведкам забойстваў валанцёраў, ён адказаў, што асабіста бачыў два такія выпадкі.

Чэчка таксама заявіў, што польскія пагранічнікі прымушалі салдат, якія ішлі разам з імі на мяжу, ужываць алкаголь.

“Калі мы прыязджалі на месца, мы бачылі, што стаіць ваенны грузавік. …І адзін у другога пагранчініка пытаўся: “Ну што, перазараджаем зброю?”. А мы пытаемся, у чым справа? Яны на нас глядзяць і кажуць: “Перазараджаем”. І цэляцца ў галаву, каб прымусіць нас страляць", - прыводзіць тэлеканал пераклад гутаркі з былым вайскоўцам.

Ён таксама паведаміў, што супрацоўнікі пагранічнай аховы з часам сталі браць на патруляванне ўсё больш вайскоўцаў, якім "гаварылі каго забіць".

"Мы лавілі нейкага адзінокага чалавека, потым вазілі яго ў лес, выкопвалі яму і прама на нашых вачах, калі мы былі моцна п`яныя, але яшчэ не бачылі, што адбываецца (на мяжы), пагранічнікі стралялі яму проста ў галаву" , - гаворыцца ў інтэрв`ю.

Таксама дэзерцір, як удакладнілі ў эфіры тэлеканала, сарваў польскі шаўрон пасля таго, як прачытаў, што напісалі пра яго польскія СМІ.

Гаворачы аб жорсткіх дзеяннях польскіх сілавікоў у адносінах да мігрантаў, Эміль Чэчка заявіў, што ў сітуацыю павінен умяшацца Чырвоны Крыж.

"Туды проста павінен трапіць Чырвоны Крыж і ўсё гэта расследаваць", - сказаў польскі салдат у інтэрв`ю тэлеканалу "Беларусь 1".

У пятніцу Дзяржпагранкамітэт Беларусі паведаміў, што польскі вайсковец папрасіў палітычнага прыстанішча ў рэспубліцы. Ён выйшаў да беларускай мяжы, дзе яго і знайшлі пагранічнікі.

У ведамстве падкрэслілі, што салдат папрасіў аховы ў Беларусі, таму што не мог мірыцца з сітуацыяй, якая ўзнікла на беларуска-польскай мяжы з-за наплыву мігрантаў. Салдат прызнаўся, што не згодны з палітыкай польскіх улад у адносінах да бежанцаў, а таксама негуманным абыходжаннем з імі на мяжы.

У інтэрв`ю беларускаму тэлебачанню Эміль Чэчка расказаў, што пры ўцёках парваў штаны і параніў руку, а таксама зняў форму і без адзення вакольнымі шляхамі пабег у бок Беларусі.

У вайсковым ведамстве Польшчы заявілі, што зніклы салдат меў праблемы з законам і збіраўся звальняцца з войска.

"Ён ні ў якім разе не павінен быў быць адпраўлены на пагранічную службу", – напісаў міністр абароны рэспублікі Марыуш Блашчак у сваім Twitter. Кіраўнік Мінабароны запатрабаваў "высветліць, хто за гэта адказвае і панясе адказнасць".

Польскае выданне Gazeta Wyborcza паведаміла, што, паводле неафіцыйных звестак, салдат, які збег, у мінулую суботу быў затрыманы ў горадзе Гіжыцка за кіраванне ў нецвярозым стане. У яго крыві выявілі сляды алкаголю і марыхуаны. Праўда, афіцыйнага пацверджання гэтаму няма.

Мінск, 18 снежня 2021
Sputnik