Улады Германіі ўводзяць у краіне з 16 снежня па 10 студзеня жорсткі каранцін з мэтай знізіць тэмпы распаўсюджвання каранавіруса. 

«Мер, якія мы прынялі з 2 лістапада, недастаткова», — адзначыла Ангела Меркель. Яна таксама звярнула ўвагу, што ў краіне зноў назіраецца імклівы рост колькасці новых выпадкаў заражэння. «Мы вымушаны дзейнічаць і робім гэта цяпер», — дадала яна.

Канцлер распавяла, што федэральныя і зямельныя ўлады дамовіліся зачыніць гандлёвыя кропкі, акрамя харчовых і некаторых іншых крам, забараніць ужыванне спіртных напояў у грамадскіх месцах і продаж піратэхнікі. На навагоднія святы ўводзіцца паўсюдная забарона на сходы. Школы і дзіцячыя сады будуць па магчымасці зачыненыя, акрамя асаблівых выпадкаў. Пашырацца магчымасці анлайн-навучання.

Звязда, 13 снежня 2020