"Не магу сказаць, калі ўрад адновіць работу. Гэтага дакладна не адбудзецца, пакуль у нас не будзе сцяны, агароджы", - заявіў Дональд Трамп. Ён адзначыў, што будаўніцтва сцяны стане перашкодай для людзей, якія спабуюць незаконна пранікнуць у ЗША, а таксама бар`ерам для наркатрафіку.

Урад ЗША часткова прыпыніў сваю работу на мінулым тыдні з-за адсутнасці фінансавання. Так званы шатдаўн стаў вынікам правалу перагавораў у Кангрэсе паміж рэспубліканцамі і дэмакратамі па пытанні аб вядзенні сродкаў на будаўніцтва сцяны на граніцы з Мексікай, на якім настойвае прэзідэнт ЗША Дональд Трамп.

Пасля шатдаўну амерыканскія біржы перажылі горшы калядны вечар у гісторыі. Індэкс высокатэхналагічных кампаній NASDAQ страціў 2,21 працэнта, Dow Jones - 2,91 працэнта.

26 снежня 2018, Мінск
БЕЛТА