Гансала Мантоя Хіменэс адбываў тэрмін у турме ў правінцыі Астурыя на поўначы Іспаніі.

Ён прыйшоў у сябе за некалькі гадзін да таго, як судмедэксперты павінны былі прыступіць да ўскрыцця цела.

Па словах членаў яго сям`і, на целе Хіменэса ўжо былі пазнакі, якія наносяцца перад аўтапсіяй. "Яго падрыхтавалі да ўскрыцця", - распавялі яны ў інтэрв`ю мясцовай газеце La Voz de Asturias.

Цяпер ён знаходзіцца пад наглядам лекараў у аддзяленні інтэнсіўнай тэрапіі ў горадзе Аўеда.

Як мяркуецца, у Хіменэса здарыўся прыступ каталепсіі, паведамілі ў бальніцы іспанскаму тэлеканалу Telecinco.

Пры каталепсіі ў чалавека запавольваюцца жыццёва важныя функцыі да такой ступені, што часам можа здацца, што ён мёртвы.

Але афіцыйнага пацверджання дыягназу пакуль не прагучала.

Непрынятую смерць канстатавалі тры медыкі, якія працуюць у турме. Яны распарадзіліся, каб цела зняволенага было дастаўлена ў морг інстытута судовай медыцыны ў Аўеда для далейшага агляду і высвятлення прычын смерці.

Звязда, 9 студзеня 2018