"У нас няма больш пытанняў да Беларусі наконт "Захад-2017". Мой калега вельмі падрабязна растлумачыў пазіцыю дзяржавы, я задаволены", - сказаў Эдгарс Рынкевічс.

Кіраўнік МЗС дадаў, што, нягледзячы на прыналежнасць да розных ваенных блокаў, Беларусь і Латвія канструктыўна ўзаемадзейнічаюць у галіне бяспекі. Краіны рэгулярна праводзяць двухбаковыя сустрэчы, абменьваюцца інфармацыяй, супрацоўнічаюць у кантраляванні паветранай прасторы.

"Мы з павагай ставімся да выбару, які ёсць у нашых краін у сферы ваеннай бяспекі", - канстатаваў ён.

Звязда, 19 ліпеня 2017