Генэрал ваенна-паветраных сіл ЗША Лоры Робінсан стала першай жанчынай, якая прыняла кіраваньне баявым часткамі — яна прызначана кіраўніком камандаваньня паветрана-касьмічнай абароны Паўночнай Амэрыкі (НОРАД) і адначасова — Паўночнага камандаваньня Ўзброеных сіл ЗША.

Робінсан, якая зьмяніла на гэтай пасадзе адмірала Біла Гортні, прыняла на сябе камандаваньне 13 траўня. Цырымонія прайшла на базе ВПС «Пэтэрсан» ў Каларада-Спрынгс, штат Каларада. Да прызначэньня на гэтыя пасады Робінсан камандавала ваенна-паветранымі сіламі ЗША на Ціхім акіяне — пад яе кіраўніцтва знаходзілася больш за 46 тысяч чалавек у Японіі, Паўднёвай Карэі, на Гавайскіх выспах, Алясцы і востраве Гуам.

Лоры Робінсан — адна з двух генэралаў-жанчын у ВПС ЗША.У яе актыве больш за 900 гадзін налёту на самалётах баявога кіраваньня E-3B/C і E-8C.

Радыё Свабода, 14 траўня 2016