"Ні для каго не сакрэт, што апошнім часам свет падвяргаецца глабальным змяненням у многіх сферах, перш за ўсё, гэта датычыцца эканомікі і пытанняў бяспекі. Тое, што адбываецца, не можа не патрабаваць ад нашай арганізацыі адпаведнага развіцця, адаптацыі да новых умоў. СНД павінна таксама эвалюцыяніраваць, прыстасоўвацца да новых рэалій, больш эфектыўна рэагаваць на глабальныя змяненні і выклікі", - лічыць Прэзідэнт.

Паводле яго слоў, адной з тэм сённяшняга абмеркавання савета была міжнародная абстаноўка ў сферы бяспекі. Характарызуючы сітуацыю ў свеце, неабходна канстатаваць актывізацыю тэрарыстычных груповак, дзейнасць якіх падрывае існуючыя асновы светаўладкавання, сказаў Нурсултан Назарбаеў.

"Тут дарэчы будзе адзначыць, што міжнародны тэрарызм вельмі дэструктыўна ўплывае на сітуацыю ў многіх дзяржавах і закранае цэлыя рэгіёны. Істотная эскалацыя насілля павялічыла колькасць ахвяр сярод мірнага насельніцтва, пераважна сярод жанчын і дзяцей. У выніку гэта прывяло да самай маштабнай з часоў Другой сусветнай вайны вымушанай эміграцыі грамадзянскага насельніцтва Паўночнай Афрыкі і Блізкага Усходу ў Еўропу.

Вырашэнне гэтай праблемы запатрабуе каласальных фінансавых і людскіх рэсурсаў", - паведаміў Нурсултан Назарбаеў. Кіраўнік РК адзначыў, што пад выглядам бежанцаў могуць быць тэрарысты, задача якіх заключаецца ў фарміраванні ачагоў нестабільнасці.

"Мы, кіраўнікі дзяржаў СНД, салідарны з неабходнасцю прыняцця своечасовых эфектыўных мер па нівеліраванні магчымых тэрарыстычных пагроз бяспекі. Як я ўжо гаварыў з трыбуны ААН, трэба стварыць сусветную сетку барацьбы з тэрарыстычнымі арганізацыямі з адабрэння ААН. Нам трэба ўзмацніць работу па гэтым напрамку, максімальна выкарыстаць патэнцыял Антытэрарыстычнага цэнтра СНД. Таму сённяшняе прыняцце заявы кіраўнікоў дзяржаў СНД з нагоды 70-годдзя стварэння ААН па барацьбе з міжнародным тэрарызмам з`яўляецца як ніколі своечасовым", - сказаў на заканчэнне Нурсултан Назарбаеў.

16 кастрычніка 2015, Бурабай
БЕЛТА - КАЗІНФАРМ