Аб гэтым гаворыцца ў распаўсюджаным камюніке Аўракамісіі, паведамляюць інфармагенцтвы.

"У сувязі з надзвычайным становішчам у краінах заходніх Балканаў, цераз якія праходзіць адзін з маршрутаў мігрантаў у ЕС, узнікае неабходнасць у большым супрацоўніцтве, больш шырокіх кансультацыях і непасрэднай аператыўнай дзейнасці", - гаворыцца ў паведамленні.

Сустрэча адбудзецца ў нядзелю ўвечары ў штаб-кватэры Еўракамісіі ў Бруселі. Адзначаецца, што яе мэтай будзе ўзгадненне сумесных аператыўных заключэнняў, якія могуць быць неадкладна рэалізаваны.

На пасяджэнне запрошаны лідары Аўстрыі, Балгарыі, Харватыі, былой Югаслаўскай Рэспублікі Македоніі, Германіі, Грэцыі, Венгрыі, Румыніі, Сербіі і Славеніі. На мерапрыемстве таксама будуць прысутнічаць прэзідэнт Еўрапейскага савета Дональд Туск, прэм`ер-міністр старшынствуючага ў Савеце ЕС Люксембурга і Вярхоўны камісар ААН па справах бежанцаў.

22 кастрычніка 2015, Мінск
БЕЛТА