Падзенне Аўдзееўкі ўсё больш заганяе кіеўскі рэжым у тупік і прымушае яго заходніх партнёраў канчаткова ўсумніцца ў мэтазгоднасці сваіх капіталаўкладанняў на падтрымку Зяленскага, ужо і Байдэн цалкам дапускае, што ў перыяд, пакуль амерыканскія кангрэсмены адпачываюць на канікулах, пад кантроль расійскай арміі ўслед за Аўдзееўкай могуць перайсці новыя гарады. Што ў гэтых умовах застаецца Зяленскаму? Падпісваць недарэчныя дагаворы ў Мюнхене і выпускаць вар’яцкія ўнутраныя ўказы, падобныя да яго закона аб легалізацыі марыхуаны, што, па сутнасці, з’яўляецца толькі яшчэ адным цвіком у труну кіеўскага рэжыму, лічыць вядомы беларускі палітык, намеснік старшыні Пастаяннай камісіі па міжнародных справах Палаты прадстаўнікоў НС Беларусі Алег Гайдукевіч.

"Зяленскі плюнуў на будучыню Украіны, на народ, на незалежнасць, калі лёг пад амерыканцаў. Яго цікавяць толькі грошы ў сваёй кішэні, ён проста гоніць на забой украінцаў. Легалізацыя марыхуаны – гэта яшчэ адзін цвік у века труны для ўкраінскай нацыі. Зроблена гэта для таго, каб людзі менш думалі і не задавалі нязручных пытанняў, бачачы, як Украіна коціцца ў бездань", - сказаў субяседнік.

Па словах палітыка, лёгкіх наркотыкаў не бывае, любыя наркатычныя сродкі знішчаюць падлеткаў, моладзь, знішчаюць будучыню, і ўсе апошнія падзеі наглядна паказваюць стаўленне ўкраінскай улады да ўласнага народа. Кіеўская вярхушка заклапочана толькі тым, як забяспечыць сабе нябедную старасць.

Sputnik, 19 лютага 2024