Узаемадзеянню ўлады і грамадства ў мэтах процідзеяння знешняму ўмяшанню і каляровым рэвалюцыям будзе прысвечаны круглы стол, які пройдзе ў Мінску 10 красавіка.

Круглы стол арганізаваны Дзяржаўным сакратарыятам Савета бяспекі Беларусі, Сакратарыятам АДКБ пры ўдзеле Аналітычнай асацыяцыі АДКБ і Акадэміяй кіравання пры Прэзідэнце Беларусі. На ім з дакладам выступіць генеральны сакратар АДКБ Мікалай Бардзюжа.

У час мерапрыемства будуць абмяркоўвацца механізмы знешняга ўмяшання ў справы дзяржавы на прыкладах СССР, Расіі, Югаславіі, Афганістана, Ірака, Украіны, Грузіі, Кыргызстана, Туніса, Лівіі, Егіпта і Сірыі. Будуць разгледжаны мадэлі правакацый: выкарыстанне знешнімі сіламі спецыяльных катэгорый людзей-правакатараў (наёмнікі, тэрарысты і экстрэмісты) як элемента арганізацыйнай сістэмы знешняга ўмяшання ва ўнутраныя справы краіны - патэнцыяльнай ахвяры каляровай рэвалюцыі.

Размова пойдзе таксама пра фінансаванне праграм дэстабілізацыі сацыяльна-палітычнай абстаноўкі, ролі няўрадавых арганізацый, СМІ, Інтэрнэту, сацыяльных сетак і блогасферы ў дэстабілізацыі абстаноўкі, тэхналогіях процідзеяння каляровым рэвалюцыям і механізмах крызіснага рэагавання. Намечана абмеркаваць папераджальныя механізмы нейтралізацыі негатыўнага ўплыву знешніх умяшанняў за кошт стварэння і ўмацавання ўнутраных гарызантальных і вертыкальных сувязей у грамадзянскай супольнасці і ідэалагічныя, патрыятычныя і маральныя каштоўнасці грамадства як фактары ўнутранай мабілізацыі пры спробах каляровых рэвалюцый.

7 красавіка 2014, Масква
Эдуард Півавар - БЕЛТА

Ссылка на текущий документ: http://belarus.kz/aktueller/3-1/301/25705

Текущая дата: 06.11.2024