Еўрасаюз заклікае ўлады мусульманскіх краін забяспечыць ахову дыпламатаў. Пра гэта гаворыцца ў заяве вярхоўнага прадстаўніка ЕС па знешняй палітыцы і палітыцы бяспекі Кэтрын Эштан.
Яна асудзіла напады на заходнія пасольства ў краінах Блізкага Усходу і Афрыкі. "Я сачу за развіццём падзей з глыбокай заклапочанасцю і заклікаю нацыянальныя ўлады ўсіх закранутых краін хутка арганізаваць бяспеку дыпламатычных місій і ахову дыпламатычнага персаналу", — гаворыцца ў заяве.
Эштан падкрэсліла, што ўрады краін, а таксама рэлігійныя і свецкія лідары рэгіёну павінны неадкладна заклікаць да міру і не дапускаць выкарыстання рэлігіі ў экстрэмісцкіх мэтах. "Я заклікаю ўсе ўрады, рэлігійных і свецкіх лідараў прасоўваць ідэі талерантнасці і дыялогу", — заявіла Эштан.
Як раней паведамлялі СМІ, пратэсты ў шэрагу мусульманскіх краін пачаліся пасля з`яўлення знятага ў ЗША фільма "Невінаватасць мусульман", які, на думку мусульман, зневажае прарока Мухамеда.
11 верасня ў Бенгазі (Лівія) у выніку нападу на консульства ЗША загінулі чатыры чалавекі, у тым ліку амерыканскі пасол у гэтай краіне.
Напады і акцыі пратэсту прайшлі таксама каля місій ЗША ў Егіпце, Судане, Нігерыі.
14 верасня ў Хартуме (Судан) прыблізна пяць чалавек атакавалі размешчаныя побач пасольствы Вялікабрытаніі і Германіі. Пратэстантам удалося трапіць на тэрыторыю нямецкага пасольства і сарваць сцяг.
Таццяна Каравянкова, БелаПАН
Мінск, 17 верасня 2012
Эштан падкрэсліла, што ўрады краін, а таксама рэлігійныя і свецкія лідары рэгіёну павінны неадкладна заклікаць да міру і не дапускаць выкарыстання рэлігіі ў экстрэмісцкіх мэтах. "Я заклікаю ўсе ўрады, рэлігійных і свецкіх лідараў прасоўваць ідэі талерантнасці і дыялогу", — заявіла Эштан.
Як раней паведамлялі СМІ, пратэсты ў шэрагу мусульманскіх краін пачаліся пасля з`яўлення знятага ў ЗША фільма "Невінаватасць мусульман", які, на думку мусульман, зневажае прарока Мухамеда.
11 верасня ў Бенгазі (Лівія) у выніку нападу на консульства ЗША загінулі чатыры чалавекі, у тым ліку амерыканскі пасол у гэтай краіне.
Напады і акцыі пратэсту прайшлі таксама каля місій ЗША ў Егіпце, Судане, Нігерыі.
14 верасня ў Хартуме (Судан) прыблізна пяць чалавек атакавалі размешчаныя побач пасольствы Вялікабрытаніі і Германіі. Пратэстантам удалося трапіць на тэрыторыю нямецкага пасольства і сарваць сцяг.
Таццяна Каравянкова, БелаПАН
Мінск, 17 верасня 2012
Ссылка на текущий документ: http://belarus.kz/aktueller/3-1/342/16457
Текущая дата: 07.10.2024