Надзвычайны і Паўнамоцны Пасол Беларусі ў Бразіліі Сяргей Лукашэвіч сустрэўся напярэдадні з намеснікам міністра замежных спраў Бразіліі Марыяй Луізай Эскарэл дэ Мараес, якая курыруе супрацоўніцтва з Беларуссю. Аб гэтым паведамілі ў МЗС.
"Бразільскаму боку перададзена нота, якая пацвярджае намеры Беларусі стаць паўнапраўным членам БРІКС (міждзяржаўнае аб`яднанне Бразіліі, Расіі, Індыі, КНР, ПАР.), - растлумачылі ў МЗС. - Асаблівая ўвага ўдзелена ўмацаванню супрацоўніцтва паміж Беларуссю і Бразіліяй у рамках шматбаковай дыпламатыі, адзначана гатоўнасць да нарошчвання палітычнага і гандлёва-эканамічнага ўзаемадзеяння паміж краінамі".
Бакі таксама абмеркавалі важнасць паставак калійных угнаенняў на бразільскі рынак, перспектывы ўдзелу Беларусі ў дзяржаўных праграмах Бразіліі для прыватных фермераў і сямейных фермерскіх гаспадарак.
7 ліпеня 2023, Мінск
БЕЛТА
7 ліпеня 2023, Мінск
БЕЛТА
Ссылка на текущий документ: http://belarus.kz/aktueller/3-1/55/70018
Текущая дата: 25.11.2024