Калектыўны Захад зачышчае ААН ад альтэрнатыўных пунктаў гледжання, заявілі ў прэс-службе беларускага знешнепалітычнага ведамства.

"Для многіх экспертаў і спецыялістаў-міжнароднікаў цалкам відавочна, што рэзалюцыя аб прыпыненні членства Расіі ў Савеце ААН па правах чалавека - вельмі небяспечны прэцэдэнт маніпулявання дзейнасцю органаў ААН", - канстатавалі ў МЗС.

Пры гэтым беларускія дыпламаты лічаць, што такое рашэнне паказвае, як калектыўны Захад працуе ў ААН. На пляцоўцы міжнароднай арганізацыі заходнія краіны займаюцца не дыпламатыяй, а працісканнем сваіх пытанняў з пазіцыі сілы і запалохвання з дапамогай эканомікі.

"У той час як сэнс шматбаковай дыпламатыі заключаецца ва ўліку інтарэсаў многіх ігракоў і дасягненні шырокіх кампрамісаў", - адзначылі ў прэс-службе беларускага МЗС.

Пасля чаго дадалі, што кааліцыя заходніх краін займаецца зачысткай ААН і іншых міжнародных пляцовак ад альтэрнатыўнай думкі. Такім чынам, яны выкарыстоўваюць іх толькі для таго, каб дамагацца сваіх мэт у палітыцы і эканоміцы.

"Усё іншае, як яны гавораць, "пагражае інтарэсам нашай дэмакратыі". Вось такая вось немудрагелістая аргументацыя", - звярнулі ўвагу ў беларускім знешнепалітычным ведамстве.

Пры гэтым там чарговы раз нагадалі аб тым, што наша рэспубліка займае адназначную пазіцыю, якая заключаецца ў тым, што Мінск супраць усялякіх спроб маніпуляваць органамі ААН.

"Мы працягнем абараняць справядлівасць і крытычна важны прынцып роўнасці суверэнных дзяржаў у ААН. Любы ціск на Беларусь бессэнсоўны", - асабліва адзначылі ў прэс-службе.

Пасля чаго падкрэслілі, што беларускія ўлады ніколі не пагодзяцца з сілавымі метадамі, якімі Захад праціскае ўласныя інтарэсы не толькі ў двухбаковых адносінах, але і на міжнародных пляцоўках.

"Мы, мяркую, як і ўвесь свет, зацікаўлены ў захаванні ААН як пляцоўкі для дыялогу і пошуку калектыўных рашэнняў для існуючых вострых праблем, а не для шантажу, крытыкі, цкавання, легалізацыі фэйкаў або інфармацыйных войнаў", - рэзюмавалі ў МЗС Беларусі.

Мінск, 13 красавіка 2022
Sputnik