Прэм’ер-міністр Арменіі Нікол Пашынян патэлефанаваў у пятніцу  прэзідэнту Расіі Уладзіміру Пуціну, паведамілі ў Крамлі.

Тэлефонная размова адбылася па ініцыятыве армянскага боку.

Пашынян пацвердзіў, што прымае запрашэнне расійскага кіраўніка дзяржавы наведаць Маскву 9 мая з нагоды 80-годдзя Вялікай Перамогі.

Таксама лідары абмеркавалі завяршэнне перагавораў Арменіі і Азербайджана па мірным дагаворы. Пашынян паведаміў, што Ерэван гатоў падпісаць гэты важны дакумент.

Пуцін у сваю чаргу заявіў, што Расія заўсёды выступала і выступае за нармалізацыю адносін паміж Ерэванам і Баку ў інтарэсах забеспячэння бяспекі, стабільнасці і ўстойлівага сацыяльна-эканамічнага развіцця ў Закаўказзі.

"Як Арменія, так і Азербайджан заўсёды могуць разлічваць на любое магчымае садзейнічанне расійскага боку ў дасягненні гэтых мэт", - адзначыў прэзідэнт РФ.

Раней паведамлялася, што Ерэван гатоў прыступіць да кансультацый з Баку аб тэрмінах і месцы заключэння мірнага дагавора.

Напярэдадні свой удзел у мерапрыемствах з нагоды 80-годдзя Перамогі ў расійскай сталіцы пацвердзіў і беларускі лідар Аляксандр Лукашэнка.

На Краснай плошчы адбудзецца вялікі ваенны парад, удзел у якім прыме таксама разлік Узброеных сіл Беларусі.

У гэтым годзе парад у гонар Дня Перамогі пройдзе 9 мая і ў Мінску. У Мінабароны паведамлялі, што апроч сучаснай тэхнікі пакажуць знакамітыя танкі Т-34 і тачанкі з кулямётамі.

Мінск, 14 сакавіка 2025
Sputnik