Канкурэнцыя ў віцяблянкі была не жартоўнай, бо перад гледачамі выступіла больш за 70 калектываў з Азербайджана, Беларусі, Казахстана, Літвы, Польшчы, Расіі і Украіны. Канкурсанты былі прадстаўлены ў 3 групах: малодшай, сярэдняй і старэйшай. Па выніках конкурсных выступленняў лаўрэатамі сталі 14 вакалістаў.

Віўен Сабі, як уладальніца І прэміі, была ўзнагароджана дыпломам лаўрэата, а таксама атрымала ў якасці падарунка нетбук. Аднак, напэўна, самым прыемным стаў прэзент ад Марыян Сленіене, прэзідэнта ХІV Міжнароднага дзіцяча-моладзевага фестывалю эстраднай творчасці "BUЕN VІАJЕ": яна ўручыла салістцы студыі "Форум" грант для ўдзелу ў ІХ міжнародным конкурсе "ОРUS-2013", які пройдзе з 14 па 21 чэрвеня ў Каталоніі). Спадзяёмся, што іспанская сцэна стане чарговым паспяховым трамплінам у сольнай кар`еры Віўен.

Аляксандр Пукшанскі
Звязда, 20 красавіка 2013