Свой пачатак буйнешны прэзентацыйны кніжны праект бярэ з 1977 года. У апошнія дзесцігоддзі маскоўская пляцоўка заваявала высокі аўтарытэт у кнігавыдаўцоў, кнігагандляроў, паліграфістаў не толькі Расіі і краін СНД, але і Усходняй Еўропы. Кірмаш збірае сотні выдавецтваў і кнігагандлёвых прадпрыемстваў практычна з усіх рэгіёнаў Расіі і дзесяткаў краін свету. За дні працы сёлета на кірмашы мяркуецца правядзенне звыш 700 мерапрыемстваў. Наведвальнікамі кніжнага свята стануць каля 100 тысяч масквічоў і гасцей сталіцы Расіі.

Сярод іншых удзельнікаў кніжнага кірмашу — і беларуская дэлегацыя са сваім прадстаўнічым стэндам. Па традыцыі будзе прадстаўлена літаратура такіх айчынных выдавецтваў, як «Беларусь», «Вышэйшая школа», «Народная асвета», «Беларуская Энцыклапедыя імя Петруся Броўкі», «Мастацкая літаратура», «Беларуская навука», Выдавецкі дом «Звязда».

Сяргей Шычко
Звязда, 17 верасня 2021