Гістарычную акцыю "Дыктант Перамогі", прысвечаную падзеям Вялікай Айчыннай вайны і 74-й гадавіне Перамогі, падтрымаюць у 23 краінах свету, паведамілі ў Рассупрацоўніцтве.

Дыканты 7 мая адбудуцца на 45 пляцоўках у 39 гарадах, у акцыі возьмуць удзел звыш за 2,5 тысячы чалавек - школьнікі і студэнты, ветэраны і вайскоўцы, а таксама людзі, якія цікавяцца гісторыяй Другой сусветнай вайны.

Як распавялі ў Рассупрацоўніцтве, якое аказвае арганізацыйную і інфармацыйную падтрымку акцыі, дыктанты пройдуць не толькі ў прадстаўніцтвах арганізацыі, але і на пляцоўках партнёраў - у бібліятэках, універсітэтах, музеях, культурна-гістарычных комплексах, школах, ВНУ і грамадскіх арганізацыях.

"Мы рады, што нашы цэнтры за мяжой не толькі самі актыўна ўключыліся ў арганізацыю праекта, але і змаглі знайсці шмат партнёраў, тым самым значна павялічыўшы геаграфію і аўдыторыю праекта", - сказала кіраўнік Рассупрацоўніцтва Элеанора Мітрафанава.

Дыктанты будуць арганізаваны ў Абхазіі, Аўстрыі, Азербайджане, Арменіі, Беларусі, Балгарыі, В`етнаме, Германіі, Даніі, Ізраілі, Казахстане, Кыргызстане, Кітаі, Малдове, Манголіі, Польшчы, Сербіі, Славеніі, Таджыкістане, Турцыі, Узбекістане, Чэхіі і Паўднёвай Асеціі.

Людзі, якія плануюць далучыцца да акцыі, могуць даведацца адрасы пляцовак яе правядзення ў прадстаўніцтвах Рассупрацоўніцтва ў дадзеных краінах або на сайце диктантпобеды.рф.

Мінск, 30 красавіка 2019
Sputnik