Белорусский портал в Казахстане

СМІ, сацсеткі і электронны гандаль



Прэзідэнт Беларусі Аляксандр Лукашэнка 10-га чэрвеня на пасяджэнні Савета кіраўнікоў дзяржаў Шанхайскай арганізацыі супрацоўніцтва ў Цындаа прапанаваў стварыць ІТ-экасістэму ШАС.

Прэзідэнт звярнуў увагу, што сучасныя тэмпы развіцця тэхналогій нясуць у сабе як новыя магчымасці, так і новыя пагрозы і выклікі. Ніводная дзяржава не можа сабе дазволіць проста закрыцца або нешта забараніць у гэтай сферы.

"Прапаную ўсім нам сумесна падумаць над стварэннем агульнай электроннай платформы, скажам, "ІТ-экасістэмы ШАС", якая аб`яднае ў сабе магчымасці электронных СМІ, сацыяльных сетак, электроннага гандлю і шмат іншага", - сказаў кіраўнік дзяржавы.

Паводле яго слоў, гэта дасць магчымасць узмацніць кааперацыю, павысіць канкурэнтаздольнасць нацыянальных эканомік ва ўмовах глабальнага свету.

"А таксама дапаможа нам забяспечыць бяспеку нашых краін", - адзначыў Аляксандр Лукашэнка.

11 чэрвеня 2018, Цындаа
БЕЛТА

Ссылка на текущий документ: http://belarus.kz/aktueller/3-402/1/43802
Текущая дата: 29.03.2024